Əgər Cənubi Koreya Ukraynaya silah tədarük etməyə başlasa, Rusiya cavab tədbirləri görəcək.
BUTA.TV xəbər verir ki, bu sözləri Rusiya lideri Vladimir Putin deyib.
“Əgər bu baş verərsə, o zaman biz də müvafiq qərarlar qəbul edəcəyik və inanmıram bu qərarlar Cənubi Koreyanın hazırkı rəhbərliyinin xoşuna gəlsin”, - Putin Hanoyda mətbuat konfransında bildirib.
Putin qeyd edib ki, Cənubi Koreyanın Moskva-Pxenyan sazişindən narahat olması üçün heç bir əsas yoxdur:
“Çünki imzalanmış saziş yalnız sazişin tərəflərindən birinə qarşı təcavüz halında yardım nəzərdə tutur. Bildiyimə görə, Koreya Respublikası KXDR-ə qarşı təcavüz planlaşdırmır, bu o deməkdir ki, bizim bu sahədə əməkdaşlığımızdan qorxmaq lazım deyil”.
Qeyd edək ki, Rusiya və Şimali Koreya arasında Hərtərəfli Strateji Tərəfdaşlıq sazişi imzalanıb. Cənubi Koreya isə bundan sonra Ukraynaya ölümcül silahların verilməsi imkanlarına yenidən baxmağı planlaşdırdığını açıqlayıb.
- İran ətrafında çənbər daralır – Əliyev şərtlərini elan etdi
- Türkiyənin diviziya generalı Azərbaycan Konsulluğunda
- Prezidentdən İrana: O molla cəzalanmalı, qovulmalıdır - Video
- İran yenə də bizi aldatdı - VİDEO
- Prezident protokolu qəsdən pozdu, rusca danışdı – Səbəb
- İlham Əliyev Szinpinə başsağlığı verdi
- Petrosyanın sözləri Ermənistanın terrorçu mahiyyətini əks etdirir
- Gəncədə dörd avtomobil toqquşdu: xəsarət alan var