Dövlət Dumasının deputatı və Çeçenistan hökuməti rəhbərinin müavini Adam Delimxanov Duma sədrinin müavini Vladislav Davankovun müəllifi olduğu, məktəblərdə dini geyim geyinməyi qadağan etməyə imkan verən qanun layihəsini tənqid edib.

BUTA.TV xəbər verir ki, Delimxanov bu barədə özünün Teleqram kanalında yazıb.

“Təbii ki, biz bu qanun layihəsini dəstəkləməyəcəyik. Davankova niqab və hicab arasındakı fərqi izah etmək istəyirəm. Niqab üzü örtən qadın geyimidir, hicab isə üzü örtmür. Biz özümüz niqabı bəyənmirik, amma hicaba gəlincə, bu müsəlman qadının dini borcudur. Davankov kiməsə dini əmrlərə tabe olmağı qadağan etmək istəyirsə, bu, dini etiqad azadlığını təmin edən Rusiya Konstitusiyasına birbaşa ziddir”, - deyə o bildirib.
O, bu təşəbbüsün cəmiyyətdə parçalanmaya səbəb ola biləcəyini vurğulayıb:

“Əgər Davankov və ya başqası dini ənənəvi dəyərlərin və adətlərin nə olduğunu başa düşmürsə, biz bunu ona və başqalarına aydın şəkildə izah edəcəyik”.

• İran “iqlim silahını” məhv etdi, yağış artdı? - Ekoloq
• Sel nəticəsində dağılan evlərin tikintisi həyata keçiriləcək
• Ali Məhkəmə Zaur Baxşəliyevlə bağlı qərar verdi
• Sabah Bakıya yağış yağacaq
• Sabunçu tunelində çökmə aradan qaldırılacaq
• Oğuzda kompleks mülki müdafiə təlimi keçirildi - Video
• Restoran önündə “özəl parkinq”... - Video
• Masazırdakı Qotur göllə bağlı zəruri tədbirlər görüləcək