Hazırda Yəzd şəhərinin həbsxanasında saxlanılan güney azərbaycanlı həkim Həmid Qarahəsənlinin səs yazısı yayılıb.
BUTA.TV xəbər verir ki, o, səs yazısında istintaq dövründə məmurların etdiyi vəhşiliklərdən danışıb.
Qarahəsənli günlərlə döyüldüyünü, təhqir olunduğunu və ailə üzvlərinin məhv ediləcəyi ilə bağlı hədələndiyini deyib.
“Kərəc həbsxanasında saxlanıldığım müddətdə məndən məcburi saxta etiraf almaq üçün həyat yoldaşım və 13 yaşlı qızımın gözləri qarşısında yerə yıxıb boğazıma bıçaq dayadılar. “Etiraf etməsən, başını kəsəcəyik”,- dedilər. Hətta İŞİD terrorçularının belə bir vəhşilik edəcəklərinə inanmıram”, - Qarahəsənli bildirib.
O, bununla yanaşı, Kərəcin Rəcaişəhr həbsxanasında da təhlükəsizlik məmurlarının işgəncə metodlarından danışıb:
“Həbsxanaya aparıldığım ilk gün 24 saat ayaq üstə saxlayıb oturmaq və yatmağıma icazə vermədilər. Hər dəfə dindirməyə aparmadan öncə 4 nəfərlik qrup halında məni döyür, ağır işgəncələr verir, sonra dindirilmə otağına aparırdılar. Dindirilmə müddətində də başıma davamlı zərbələr endirir, təhqir edirdilər”.
Qeyd edək ki, 2022-ci il noyabrın 4-də 54 yaşlı azərbaycanlı rentgenoloq Həmid Qarahəsənli və həyat yoldaşı 46 yaşlı laboratoriya elmləri üzrə mütəxəssis Fərzanə Qarahəsənli etiraz aksiyalarında iştirak etdikləri üçün Kərəc şəhərindəki evlərində həbs edilib. Həmid Qarahəsənli sürgündə 15 il, Fərzanə Qarahəsənli isə sürgündə 5 il həbs cəzasına məhkum ediliblər.
- Yasamalda binada yanğın: mənzil sahibi öldü - Video
- Sumqayıtdakı bu xəstəxana boşaldılır - Foto
- Birinci sinfə qəbulla bağlı yenilik...
- Toyuq paketlərindəki gizli təhlükə - Video
- Toyuq paketlərindəki gizli TƏHLÜKƏ - VİDEO
- Yuxarı sinif şagirdləri ilə bağlı yenilik
- Əlibala Məhərrəmzadə ona məxsus olduğu deyilən hoteldən danışdı: “Qanunsuz tikinti yoxdur, yazırlar də...”
- Zəngəzurun əks olunduğu bu yöndəmsiz nişan…