Yevlax şəhər Gənclər və İdman idarəsinin sabiq rəisi Binyamin Musayevə cinayət işi açılıb.

Bu barədə BUTA.TV-a Baş Prokurorluğun Mətbuat Xidmətindən məlumat verilib.

Bildirilib ki, Azərbaycan Gənclər və İdman Nazirliyindən daxil olmuş materiallar əsasında Yevlax şəhər Gənclər və İdman idarəsinin rəisi vəzifəsində işləmiş Binyamin Musayevin qanunsuz əməlləri barədə Baş prokuror yanında Korrupsiyaya qarşı Mübarizə Baş İdarəsində başlanmış cinayət işinin istintaqı yekunlaşıb.

İstintaqla Binyamin Musayevin qeyd olunan vəzifədə işləyərkən 2019-2021-ci illər ərzində işə çıxmayan şəxslərin əmək funksialarını icra etmələri barədə cədvəlləri, habelə mükafaltlandırma, ezamiyyə və qurumun fəaliyyətilə bağlı digər rəsmi sənədləri saxtalaşdırmaqla 129 min manatdan artıq məbləğdə dövlət vəsaitini mənimsəməsinə əsaslı şübhələr müəyyən edilib.

Toplanmış sübutlar əsasında Binyamin Musayevə Cinayət Məcəlləsinin 179.3.2 (külli miqdarda mənimsəmə), 308.2 (ağır nəticələrə səbəb olan vəzifə səlahiyyətlərindən sui-istifadə etmə) və 313-cü (vəzifə saxtakarlığı) maddələrilə yekun ittiham elan olunaraq cinayət işi baxılması üçün aidiyyəti üzrə Şəki Ağır Cinayətlər Məhkəməsinə göndərilib

İş üzrə vurulmuş maddi ziyandan 50 min manatının ödənilməsi təmin edilib.

• Daha bir marşrut nağdsız ödəniş sisteminə keçir
• Yol polisi qəzada xəsarət alan piyadanı xəstəxanaya çatdırdı
• Onlar sosial müdafiə tədbirləri ilə bağlı maarifləndirildi
• ABB istiqraz emissiyasının ikinci mərhələsinə start verir
• Buraxılış imtahanının nəticələri açıqlandı
• İmtahanda 9 nəfər maksimum bal topladı - Siyahı
• “Changers Academy” AzMİU-da təqdimat keçirdi
• Sumqayıtda sərnişin avtobusu təhlükə yaratdı - Video