2023-cü ilin yanvar-may aylarında Azərbaycanda dəmir yolu ilə yük daşımalarının həcmi 7,6 milyon ton olub.

BUTA.TV xəbər verir ki, bu barədə Dövlət Statistika Komitəsinin məlumatında bildirilib.

Məlumata görə, hesabat dövründə dəmir yolu nəqliyyatı ilə yük daşımaları 2022-ci ilin yanvar-may ayları ilə müqayisədə 8,8 faiz, sərnişin daşımaları isə 57,2 faiz, yəni 2,704 milyon nəfərədək artıb.

Qeyd olunan dövrdə dəmir yolu nəqliyyatının payına bütün yük daşımalarının 8,3 faizi düşüb.
Orta hesabla sutka ərzində yüklənən dəmir yolu vaqonlarının sayı 430, boşaldılan vaqonların sayı isə 416 olub.

2023-cü ilin yanvar-may aylarında Azərbaycanda bütün nəqliyyat növləri ilə yük daşımaları 90,9 milyon ton olub ki, bu da 2022-ci ilin analoji dövrü ilə müqayisədə 6,8 faiz yüksəkdir. Hesabat dövründə Azərbaycanda sərnişin daşımaları 742,8 milyon nəfəri ötüb ki, bu da 2022-ci ilin analoji dövrünün göstəricisindən 19 faiz yüksəkdir.

• Daha bir marşrut nağdsız ödəniş sisteminə keçir
• Yol polisi qəzada xəsarət alan piyadanı xəstəxanaya çatdırdı
• Onlar sosial müdafiə tədbirləri ilə bağlı maarifləndirildi
• ABB istiqraz emissiyasının ikinci mərhələsinə start verir
• Buraxılış imtahanının nəticələri açıqlandı
• İmtahanda 9 nəfər maksimum bal topladı - Siyahı
• “Changers Academy” AzMİU-da təqdimat keçirdi
• Sumqayıtda sərnişin avtobusu təhlükə yaratdı - Video