Hazırda Baxmut ətrafında da döyüşlər gedir, lakin döyüş əməliyyatlarının intensivliyi xüsusilə Zaporojye vilayətində güclü şəkildə artıb.
BUTA.TV xəbər verir ki, bunu Estoniya Müdafiə Qüvvələrinin Kəşfiyyat Mərkəzinin rəisi, polkovnikMarqo Qrosberq Ukrayna cəbhəsində baş verənləri şərh edərkən deyib.
Qrosberqin sözlərinə görə, əks-hücumda əsas zərbə hələ də endirilməyib, daha doğrusu, müdafiəni yarıb keçə biləcək mümkün boşluqların axtarışı gedir:
"Amma biz ötən payızda Xarkovdakı kimi irimiqyaslı və nəhəng hücumu görməyə bilərik. Düzünü desək, Rusiya silahlı qüvvələrinin də hazırlaşması üçün doqquz ay var idi. Bunun üçün boşluq tapmaq uzun müddət çəkə bilər. Eyni zamanda, Ukrayna ordusu da cinahlarını gücləndirməlidir".
Kəşfiyyatçı real əks-hücumun, məsələn, Xarkov əməliyyatı ilə eyni miqyasda və effektli olacağını iddia etməyə tələsmir:
"Bu hücum əməliyyatı, şübhəsiz ki, payızda Xarkov istiqamətində olduğundan daha mürəkkəb, daha çoxşaxəli olacaq. Hər şey, belə demək mümkünsə, dönüş nöqtəsinin harada olmasından asılıdır. Hesab edirəm ki, orada hər tərəfdən imkanlar var".
- Bakıdan Məkkəyə velisopedlə gedir - Video
- Yayda meyvə-tərəvəz bahalaşa bilər - Video
- Bu şəxslər 1000 manat cərimələnəcək - Video
- Ukraynalı uşaqlar reabilitasiya üçün Azərbaycana gətirildi
- 100 ildən çox yaşı olan qamış bina hər an uça bilər
- Bəzi yollarda görünüş məsafəsi məhdudlaşacaq
- Alça satışa çıxdı: kilosu 100 manata - Video
- Lənkəranda sexdə partlayış: yaralanan var