15 sentyabrdan başlayan dərs müddəti ilə sentyabrın 1-dən iyunun 14-dək davam edən dərs müddətini eyniləşdirmək boş və absurd fikirdir.

BUTA.TV xəbər verir ki, bu sözləri təhsil eksperti Kamran Əsədov qeyd edib.

“Birincisi ona görə ki, 1-15 sentyabrda havanın temperaturu yuxarıya doğru qalxmır, əksinə sərinləşir. Bu da dərsə getmək üçün daha əlverişlidir. 1-14 iyunda isə hava daha da istiləşir ki, bu da tədris üçün əlverişsiz olur. Bundan başqa, 1-15 sentyabrda şagirdlər dərsə daha enerjili, həvəsli başlayırlar.

1-14 iyun isə tam əksinə, şagirdlər 9 ay, 32-34 həftə ərzində dərsə gəlib yorulublar. Əlavə olunan vaxt isə onlara əlavə yükdür. Bu səbəbdən ən optimal tədris ili 1 sentyabr və 30 may arasıdır. Bu tədris ilinin tətbiqi daha effektiv olar”, - Əsədov bildirib.

Qeyd edək ki, elm və təhsil naziri Emin Əmrullayev ötən gün keçirdiyi brifinq zamanı məktəblərdə tədrisin sentyabrın 1-dən başlamasının məqsədəuyğun olduğunu təklif edib.

• 94 min dollar gətirmək istədi, 64 min manat cərimələndi
• Bakıda üç yaşlı uşaq 4-cü mərtəbədən yıxılaraq öldü
• Bakıda bu hospitalda ölüm baş verdi
• General-mayor vəzifəsindən azad edildi
• Banka borcunu ödəməyənlər üçün yeni qayda
• Hava kəskin əyişir: FHN xəbərdarlıq etdi
• Yaz-yay fəsillərində sel təhlükəsi: FHN tədbirlər keçirdi - Foto
• Şəmkirdə məktəbdə yanğın: şagirdlər təxliyə edildi