Türkün yolu Türk Dövlətləri Təşkilatından, Orta Dəhlizdən, Zəngəzurdan və Qarabağdan keçir.

BUTA.TV Report-a istinadən xəbər verir ki, bunu Türkiyənin xarici işlər naziri Mövlud Çavuşoğlu deyib.

M.Çavuşoğlu Cümhuriyyət Xalq Partiyasının sədri Kamal Kılıçdaroğluya xitabən Türkiyənin Azərbaycandan yan keçə bilməyəcəyini deyib.

“Azərbaycandan nə istəyirsiniz? Azərbaycan Qarabağı geri alanda hər cür dəstəyi verdik. Siz “təəssüf ki, Türkiyə Azərbaycanı dəstəklədi" - dediniz.

Azərbaycan niyə hərb meydanına endi? Öz torpaqlarını geri almaq üçün. Azərbaycan Ermənistanın torpaqlarına hücum etməyib ki?”, - Türkiyənin xarici siyasət idarəsinin rəhbəri Kamal Kılıcdaroğluya xitabən deyib.

Çavuşoğlu qeyd edib ki, bu gün türk dünyası güclüdür:

“Öz milli müdafiə sistemlərimiz var. Düşmənə möhtac deyilik. Azərbaycandan nə istəyirsiniz? Bu gün Türkiyə böyük türk dünyasını birləşdirir. Bu gün Türkiyə Türk Dövlətləri Təşkilatının arzusunu, yəni türk dünyasının birləşmək arzusunu həyata keçirən bir ölkədir”.

• Bu prospektin kəsişməsində yeni işıqforlar quraşdırılır
• Sabirabadda əməliyyat: saxlanılanlar var - Foto
• Speys TV bağlanır? – Telekanal daxilində baş verənlər...
• “Azercell”in dəstəyi ilə “StartHer Quba” layihəsinə start verildi
• Bakının 2 rayonunda qaz olmayacaq
• Tahir Budaqov bu vəzifəsindən getdi
• Şahin Bağırov onları rəis təyin etdi
• Qobustan qoruğunda yeni qayaüstü təsvirlər aşkarlandı - Foto