“Meta” Korporasiyasına daxil olan Feysbuk sosial media platforması ermənilərin inadla dünyaya “soyqırım” kimi təqdim etdikləri hadisələrlə bağlı saxta təbliğat aparmalarına mane olub.
BUTA.TV Trend-ə istinadən xəbər verir ki, erməni istifadəçilər profil şəkillərinə qondarma "soyqırım"la bağlı “xatirə çərçivələri” əlavə etmək istəyiblər. Erməni mətbuatının yazdığına görə, “Xatırlayıram və tələb edirəm” şüarı ilə xatirə çərçivələri hazırlanıb. Lakin Feysbuk onlara bu imkanı verməyərək ermənilərin saxta təbliğat layihəsinin qarşısını alıb.
Ermənilər çarəsizlikdən "Photoshop" kimi proqramlardan istifadə edərək fotolarına çərçivə əlavə etməyə məcbur olublar.
“Meta” şirkətinin düzgün qərarından hiddətlənən ermənilər indi bu işin arxasında “Azərbaycan və türk izi” axtarır. Onlar Ermənistan hakimiyyətini ölkədə sosial şəbəkəni bloklamağa çağırırlar.
Xatırladaq ki, Ermənistan və erməni lobbisi Türkiyənin sələfi olan Osmanlı İmperiyasının 1915-ci ildə Anadoluda yaşayan ermənilərə qarşı “soyqırım” törətdiyini iddia edir. Ankara dəfələrlə Ermənistanı arxivləri açmağa və hadisələri araşdırmaq üçün birgə komissiya yaratmağa çağırıb. Amma Ermənistan hələ də Türkiyənin təklifinə cavab verməyib, çünki bu, ilk növbədə, onlar tərəfindən uydurulmuş və bilərəkdən saxtalaşdırılan hekayədir.
- Tovuzda ev yandı
- Bu gün 52 mindən çox şagird buraxılış imtahanı verdi
- Bakıda marketlərdən oğurluq edənlər ələ keçdi
- Yol polisi sürücülərə xəbərdarlıq etdi
- Zaur Mikayılov Bakıda dəhşətli cinayətin üstünü açdı
- Sabahın hava proqnozu açıqlandı
- Salyanda ağır qəza: ölən və yaralananlar var
- Yüksək maaşlı iş təklif ilə dələduzluq edənlər saxlanıldı