Millət vəkili Fazil Mustafaya qarşı terror aktı İranın Azərbaycanda yaratdığı şəbəkə vasitəsilə həyata keçirilib.
BUTA.TV xəbər verir ki, bu barədə “Haqqın.az” hökumətdəki mənbələrə istinadən məlumat yayıb.
“Bu məqsədlə siyasi şiəlik düşərgəsinin fəallarından biri olan Azər Səricanov Azərbaycanda “Qaraköynəklilər” dəstəsi yaradıb. Törədilmiş cinayətin xarakteri, iştirakçıların şəxsiyyəti, istifadə etdiyi üsullar, eləcə də Azərbaycan xüsusi xidmət orqanlarının əməliyyat məlumatları bu terror aktının arxasında İran xüsusi xidmət orqanlarının, xüsusən də İslam İnqilabı Keşikçiləri Korpusunun dayandığına dair əsaslı şübhələri gücləndirir”, - məlumatda deyilir.
Qeyd olunur ki, Fazil Mustafaya silahlı hücumdan əvvəl Azərbaycanın İrandakı səfirliyinə terror aktı törədilib:
“Azərbaycan hökuməti və ictimaiyyəti İranın hərəkətlərini Azərbaycana qarşı terror üsulları seçmiş bu ölkənin erməni xüsusi xidmət orqanlarının və millətçi dairələrinin fəaliyyət metodları ilə eyniləşdirir. Hüquq-mühafizə orqanları “Qaraköynəklilər” şəbəkəsinin bütün üzvlərinin müəyyən edilməsi istiqamətində fəal iş aparır. Qeyri-qanuni təşkilata qoşulan Azərbaycan vətəndaşları qanun çərçivəsində maksimum cəza alacaqlar”.
- ABU-nun ərazisi müsadirə edildi: hansı quruma veriləcək?
- Bakının mərkəzində yenilik tətbiq ediləcək - Video
- Azərbaycanda çiyələyə zəhərli maddələr qatılır? - Video
- Yağış sularının kənarlaşdırılması işləri davam etdirilir - Video
- Gürcüstanda 2026-cı il "Aşıq Hüseyn Saraçlı ili" elan edildi
- Azərbaycanda imtahan sistemi dəyişir? - Nazir açıqladı
- AYNA taksilərlə bağlı yayılan məlumatlara aydınlıq gətirdi
- Azər Məmmədov Laçında vətəndaşlarla görüşdü