Bu gün İrəvan sülh pərdəsi altında mövqeyini həm ölkə daxilindəki insanlara, həm də beynəlxalq ictimaiyyətə “bəyaz və yumşaq” formada təqdim edir.
BUTA.TV xəbər verir ki, bunu rusiyalı politoloq İqor Korotçenko “Moskva-Bakı”ya müsahibəsində deyib.
“Bütün bunlar ona görədir ki, Azərbaycan 2020-ci ildə, sonra isə 2023-cü ildə Ermənistanın hərbi dişlərini çıxarıb. Bu edilməsəydi, İrəvanın simasında daha aqressiv, qana susamış, hələ də Azərbaycan ərazilərini işğalda saxlayan, heç bir sülh danışıqları haqqında düşünməyən döyüş maşını görərdik”, - o bildirib.
Korotçenkonun sözlərinə görə, Azərbaycan öz gücünə və hərbi potensialına arxalanaraq müasir tarixi necə yazacağını göstərib, sübut edib:
“Məhz buna görə də gələcəkdə Ermənistan və onun himayədarlarının təcavüzkar planlarına yol verməmək üçün bu potensialın yaradılması və təkmilləşdirilməsi davam etdiriləcək. Kənar oyunçular Ermənistanın “əli” ilə bölgəni yenidən xaosa məruz qoyaraq, qanlı vətəndaş qarşıdurmasına salmaq istərdilər. Amma Azərbaycan buna imkan verməyəcək”.
- Azərbaycanlı tennisçi "Ginnesin Rekordlar Kitabı"na düşdü
- Bakıda bu yol bağlanır
- Tovuzda ev yandı
- Bu gün 52 mindən çox şagird buraxılış imtahanı verdi
- Bakıda marketlərdən oğurluq edənlər ələ keçdi
- Yol polisi sürücülərə xəbərdarlıq etdi
- Zaur Mikayılov Bakıda dəhşətli cinayətin üstünü açdı
- Sabahın hava proqnozu açıqlandı