Zəngəzur dəhlizi ilə bağlı məsələdə İran və ABŞ-ın maraqları üst-üstə düşür.
BUTA.TV xəbər verir ki, bu sözləri Beyrutda nəşr olunan “Azdak” qəzetinin baş redaktoru Şaan Qantaxaryan erməni mediasına açıqlamasında deyib.
O bildirib edib ki, Qərb bu yolun Rusiyanın nəzarətinə keçmməsini istəmir, İran da yola yalnız Ermənistanın nəzarət etməsinə çalışır ki, “xarici dünyaya çıxışı” etibarlı olsun:
“Bu məsələdə geosiyasi mərkəzlər arasında konsensus yoxdur, ona görə də kommunikasiya qapalı qalmaqda davam edir. Bunda təkcə Ermənistanın imtinası rol oynamır”.
Qantaxaryanın iddiasına görə, İranın Zəngəzur dəhlizi məsələsində qəti ritorikası Ermənistanın Zəngəzur bölgəsinin Fars körfəzi ilə Qara dəniz arasında Ermənistan, Gürcüstan və əks istiqamətdə əlaqəni təmin etmək üçün ən etibarlı məntəqə olması ilə bağlıdır:
“İran və ABŞ-ın bu xəttin açılması məsələsində razılığa gəldiyini düşünmək üçün əsaslar var. Bunu infrastrukturu işləri, eləcə də İranın Ermənistanda xaricdə ən böyük daimi ticarət mərkəzi açmaq planları sübut edir. Bütün bunlar İran üçün Rusiyanın maraqlarına əsaslanmayan yeni kommunikasiyaların formalaşmasından xəbər verir. Tehran və Moskva arasında son bəyanatlar bununla bağlıdır”.
- Azərbaycanlı tennisçi "Ginnesin Rekordlar Kitabı"na düşdü
- Bakıda bu yol bağlanır
- Tovuzda ev yandı
- Bu gün 52 mindən çox şagird buraxılış imtahanı verdi
- Bakıda marketlərdən oğurluq edənlər ələ keçdi
- Yol polisi sürücülərə xəbərdarlıq etdi
- Zaur Mikayılov Bakıda dəhşətli cinayətin üstünü açdı
- Sabahın hava proqnozu açıqlandı