Ötən gün vəfat edən məşhur Şən və Hazırcavablar Klubu (ŞHK) telelayihəsinin aparıcısı Aleksandr Maslyakovun varislərinə qoyduğu miras məlum olub.
BUTA.TV Oxu.az-a istinadla xəbər verir ki, rusiyalı teleaparıcı varislərinə 338 milyon rubl (6 milyon manatdan çox) dəyərində ikimərtəbəli malikanə qoyub.
Həmçinin nəşrin məlumatına görə, onun bahalı avtomobillərdən ibarət kiçik parkı olub.
Eyni zamanda, qeyd edilir ki, Aleksandr Maslyakov böyük məbləğdə gəlirlərinə görə tez-tez sosial şəbəkələrdə qınaqlara tuş gəlirmiş, lakin həmkarı Yuli Qusman ŞHK-nın stabil olaraq bütün reytinqləri üstələdiyini xatırladaraq onun müdafiəsinə qalxırmış.
Həmçinin Maslyakovun ŞHK-nın istehsalı ilə məşğul olan "AmiK" şirkətinə də sahib olduğu bildirilir ki, bu şirkət teleaparıcının oğluna keçə bilər. Maslyakovun arvadı Svetlana da birinci dərəcəli varislər siyahısındadır.
Qeyd edək ki, "Forbes"a görə, 11 il əvvəl "AmiK"in illik gəliri ən azı 3.5 milyon dollar təşkil edib. Maslyakovun özü isə 500 milyon rubl (9 milyon manatdan çox) gəliri olduğunu bəyan edib.
Xatırladaq ki, teleaparıcı Aleksandr Maslyakov sentyabrın 8-də 83 yaşında ağciyər xərçəngindən vəfat edib.
- Bulud dağıdan toplardan niyə istifadə etmirik?
- 2198 müəllim bu sadə suala cavab verə bilmədi - Foto
- Ölkədə uşaqlara bu adların qoyulması qadağan edilir
- Bu prospektin kəsişməsində yeni işıqforlar quraşdırılır
- Sabirabadda əməliyyat: saxlanılanlar var - Foto
- Speys TV bağlanır? – Telekanal daxilində baş verənlər...
- “Azercell”in dəstəyi ilə “StartHer Quba” layihəsinə start verildi
- Bakının 2 rayonunda qaz olmayacaq