Kamçatkada 9 bal gücündə zəlzələnin olacağı proqnozlaşdırılır.
BUTA.TV Publika.az-a istinadən xəbər verir ki, yaxın 24 saat ərzində Kamçatkada 6-9 bal gücündə zəlzələnin baş vermə ehtimalı yüksədir.
Bu barədə Rusiya Elmlər Akademiyasının Uzaq Şərq bölməsi Vulkanologiya və Seysmologiya İnstitutunun ümumi şurasının avqustun 18-də dərc olunmuş rəyində deyilir.
Alimlərin fikrincə, bölgədə baş vermiş zəlzələ Avaça körfəzi ərazisində daha güclü təkanların əlaməti ola bilər.
“Biz 18-19 avqust 2024-cü il tarixlərində Petropavlovsk-Kamçatka şəhər aqlomerasiyasında 6-9 bal gücündə təkan yarada biləcək seysmik hadisənin baş vermə ehtimalının artması barədə məlumat verməyi zəruri hesab edirik” - sənəddə deyilir.
Petropavlovsk-Kamçatski, Yelizovo, Vilyuçinsk şəhərlərində və Ust-Kamçatsk kəndində 9 bala qədər seysmik təsir gözlənilir.
Xatırladaq ki, avqustun 17-də Moskva vaxtı ilə 22:10-da Kamçatka sahillərində 7 bal gücündə zəlzələ qeydə alınıb.
- Kür çayında son vəziyyət açıqlandı
- Daha 3 xəstəxananın direktoru işdən çıxarıldı
- DİN rəhbərindən yetkinlik yaşına çatmayanlarla bağlı - Tələb
- “Yeni Klinika”nın direktoru işdən çıxarıldı
- Əvvəlki iş yerindən 25 minlik oğurluq etdi, saxlanıldı
- Bakı metrosunda generatorlar niyə işə düşməyib?
- Göygöldə faciə: Evinin həyətində yıxıldı, öldü
- Metrodakı hadisəyə görə 2 nəfər... - TƏBİB