Rusiya Dumasının Beynəlxalq Əlaqələr Komitəsi Moskvanın ATƏT-in Parlament Assambleyasındakı işinin dayandırılması haqqında sənəd hazırlayır.
BUTA.TV Globalinfo.az-a istinadən xəbər verir ki, bu barədə tapşırığı Rusiya Dumasının sədri Vyaçeslav Volodin verib.
O, Rusiyanın öz mövqeyini ATƏT PA-da ifadə etməsinə izn verilməməsi ilə barışmayacağını bildirib.
Volodin baş verənlərin məsuliyyətinin ABŞ və AB üzərində olduğunu deyib:
“Onların ATƏT-dəki fəaliyyəti Avropanın daxilində konfliktə gətirib çıxaracaq. Dialoqun olmaması etimadın itməsinə səbəb olur. Bunun axırı pis olacaq”.
Rusiyanın ATƏT PA-dakı nümayəndə heyətinin rəhbəri Pyotr Tolstoy isə deyib ki, burada dialoq yoxdur və bütün diskussiyalar rusofob xarakter daşıyır.
Jurnalistlərə açıqlama verən Federasiya Şurasının Beynəlxalq Əlaqələr Komitəsinin sədr müavini Vladimir Cabbarov ATƏT-i gündəmi ukraynalaşdırmaqda ittiham edib.
Qeyd edək ki, ATƏT Rusiyanın Avropada qaldığı nadir inteqrasiya layihələrindən sayılır. Moskva bundan öncə Avropa Şurasını tərk etmişdi.
- Şagird yerdəyişməsi müvəqqəti dayandırılır
- "Azərişıq" sədri Şuşada vətəndaşları qəbul etdi
- Bağça müdiri olmaq istəyənlərin diqqətinə!
- “Azercell” bu qlobal təşəbbüsə qoşulan ilk operator oldu
- Bakıda 9 mənzili soydu, həbs olundu - Video
- Baş nazirdən qərar: Əlilliyi olan şəxslərin reyestri...
- Bakıda bu parklar birləşdirilir
- "Son zəng"də yalnız onlar iştirak edə bilər – Təlimat