Kiyev İrəvanı bu alyansa qoşub, savaşa “dəvət edir”

Ukrayna Prezident Ofisi rəhbərinin müavini Mixail Podolyakın Ermənistanı tərifləməsi, onun düngün yolda olduğunu bildirməsinin adınca, İrəvanın “Baltik-Qara dəniz Müdafiə Alyansına” qəbulu haqda söylədikləri maraq doğurub.

BUTA.TV xəbər verir ki, bu alyansın mövcudluğu haqda geniş təsəvvür yoxdur.

“Hraparak” nəşri yazıb ki, bu alyans 2014-cü ildə - Krımın Rusiya tərəfindən ilhaqından sonra yaradılıb. Məqsəd Rusiyanın imperiya siyasətinə qarşı mübarizə aparmaq, Ukrayna və Gürcüstanın işğal olunmuş ərazilərini azad etməkdir.

9 ildir fəaliyyəti görünməyən qurumu fəallaşdırmaq üçün Vladimir Zelenski bu ilin avqustunda Baltik və Qara dənizlərə çıxışı olan ölkələr arasında təhlükəsizlik alyansı yaratmağı təklif edib.

“Bu isə o deməkdir ki, Zelenski Paşinyanı Rusiyaya qarşı müharibəyə cəlb etməyə çalışır”, - məqalədə bildirilib.