AzTV-dən Fransa Prezidentinə şillə kimi cavab: "Sənin nə ixtiyarın var, Makron?!"

Fransa Prezidenti Emmanuel Makronun Qranadada Azərbaycan Prezidenti İlham Əliyevin iştirakı olmadan qəbul edilən sənədə etiraz olaraq AzTV-nin efirində süjet yayımlanıb.

"HƏFTƏ" analitik-informasiya verilişində mövzu ilə bağlı yayımlanan süjetdə QSC sədri və tanınmış teleaparıcı Rövşən Məmmədov Makronun ünvanına sərt fikrlər səsləndirib:

"Ölkəmiz əleyhinə canfəşanlığının hesabatını ver, Makron. Qranadada Azərbaycan Iiderinin iştirakı olmadan qəbul etdiyin sənədin, səsləndirdiyin cəfəng bəyanatların hesabını ver! Başa düşmədik, Azərbaycan sənin koloniyalarından biridir ki, bu ölkənin Prezidenti olmadan 4 nəfər oturub onun taleyini həll edir? Hələ utanmadan Qranada sənədini Azərbaycan-Ermənistan münasibətlərinin normallaşdırılmasının yol xəritəsi kimi regiona sırımağa çalışırsan. Hansı haqla, Makron? Sənin nə ixtiyarın var?!"