ABŞ qətiyyətlə Ermənistanın tərəfini tutdu, açıq şəkildə dəstəyini bildirdi.
BUTA.TV Trend-ə istinadən xəbər verir ki, ABŞ dövlət katibinin Avropa və Avrasiya məsələləri üzrə köməkçisi Ceyms Obrayen Nümayəndələr Palatasının Xarici Əlaqələr Komitəsinin dinləmələrində deyib ki, ABŞ “Azərbaycana hərbi və digər yardımları dayandırıb və yüksək səviyyəli səfərləri ləğv edib və Ermənistanla sülh danışıqlarında irəliləyiş əldə olunmayana qədər ikitərəfli münasibətlərin normallaşmasının baş verməyəcəyini Bakıya çatdırıb”.
Obrayen qeyd edib ki, ABŞ "19 sentyabr hadisələrindən sonra sülh yolunda irəliləyiş müşahidə olunmayınca Azərbaycan üçün hər şeyin normal olmayacağını açıq şəkildə bəyan edib".
"Biz dəfələrlə siqnallar ötürmüşük ki... Ermənistan daxilində güc tətbiqi tamamilə qəbuledilməzdir", - deyə Azərbaycanın ABŞ-a belə bir niyyətinin olmadığı barədə məlumat verdiyini etiraf edərək deyib.
30 ilə yaxın Azərbaycan ərazilərinin Ermənistan tərəfindən işğalına, etnik təmizləməyə, Xocalı soyqırımına, bir milyon azərbaycanlı qaçqın və məcburi köçkünün olmasına məhəl qoymayan ABŞ, xüsusən də Dövlət Departamenti daha bir absurd addım atıb. Bu, yekunda Azərbaycanla münasibətlərə təsir edəcək və Vaşinqtonun danışıqlarda qərəzsiz moderator imicini daha da sarsıdacaq.
- İran Azərbaycana qarşı niyə aqressivləşib? - Video
- Əsir düşən azərbaycanlı ilə bağlı XİN-dən açıqlama
- Bakinskinin məhkəməsi: Bakılıyam, tərcüməçi lazım deyil
- Bakı İrəvandan istədiyini bu yolla alacaq - Krılov
- Prezident yeni səfirin etimadnaməsini qəbul etdi
- Soba başçını “yandırdı” - Yeni foto
- Azər Baxşəliyev orqan nəqlindən niyə imtina edib? - Açıqlandı
- Əliyev tənqid etdi, İran mediası Amulini yıxıb-sürüdü