Abxaziyada Türkiyə vətəndaşı güllələndi

Abxaziyada Suxuminin mərkəzində silahlı atışma nəticəsində Türkiyə vətəndaşı öldürülüb.

BUTA.TV xəbər verir ki, bu barədə TASS məlumat yayıb.

Bildirilib ki, öldürülən şəxsin 2002-ci il təvəllüdlü Əhməd Aydın olduğu məlum olub.

Atışma nəticəsində yaralanan daha 4 nəfər də xəstəxanaya yerləşdirilib.

Yaralılar arasında yetkinlik yaşına çatmayan da var.

Faktla bağlı cinayət işi açılıb, hadisənin motivləri araşdırılır.