Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin mərkəzi laboratoriyasının əsasında Xidmətin tabeliyində “Əməyin Mühafizəsi Mərkəzi” publik hüquqi şəxsi yaradılır.

BUTA.TV xəbər verir ki, bununla bağlı Prezident İlham Əliyev müvafiq fərman imzalayıb.

Fərmana əsasən, nazirlik Mərkəzi iki ay müddətində yaratmalı və bu barədə Azərbaycan Prezidentinə məlumat verməlidir.

Müəyyən edilib ki, Mərkəz işəgötürənlərə əməyin mühafizəsi və iş yerlərinin attestasiyası sahələrində xidmətlər göstərən, eləcə də bu sahələrdə təlimlər keçirilməsini, məsləhət verilməsini və metodiki dəstəyi təmin edən publik hüquqi şəxsdir.

Mərkəzin təsisçisinin “Publik hüquqi şəxslər haqqında” Azərbaycan Respublikası Qanununun 8.2-ci maddəsində qeyd edilən səlahiyyətlərini Mərkəzin nizamnaməsinin təsdiq olunması, nizamnamə fondunun miqdarının müəyyən edilməsi və onlarda dəyişiklik edilməsi, idarəetmə orqanlarının yaradılması, strukturunun, əməyin ödənişi fondunun, işçilərin say həddinin və onların əməkhaqlarının məbləğinin (vəzifə maaşının, vəzifə maaşına əlavələrin, mükafatların və digər ödənişlərin) təsdiqi, habelə Mərkəzin yenidən təşkili və ləğvinə münasibətdə Əmək və Əhalinin Sosial Müdafiəsi Nazirliyi, digər məsələlərə münasibətdə isə Xidmət həyata keçirir.

Mərkəzin saxlanma xərcləri və fəaliyyəti aşağıdakı mənbələrdən maliyyələşdirilir:

- Dövlət Əməyin Mühafizəsi Fondundan ayırmalar;

- fəaliyyətindən əldə edilən gəlir;

- qanunla qadağan olunmayan digər mənbələr.

• DİM gecikənlərin imtana buraxıldığını desə də, onlar təkzib edir - Fotolar
• Gecikən şəxslərin imtahanda iştirakı təmin olunub - DİM
• Bakıda güclü yağış: FHN tədbirlər həyata keçirir
• Bakıya yağan yağıntının miqdarı... – Faktiki hava
• Prezident Məryəm Nəvaz Şərifi qəbul etdi - Fotolar
• FHN intensiv yağışla bağlı tədbirlər həyata keçirir
• WUF13 başladı - Fotolar
• 23 mindən çox bakalavr magistraturaya qəbul imtahanı verəcək