"Yuventus"a daha bir ağır zərbə

İtaliyanın "Yuventus" komandasının A seriyasında 10 xalı silinib.

BUTA.TV xəbər verir ki, bu barədə ölkənin Federal Apellyasiya Məhkəməsi maliyyə fırıldağına görə sözügedən addımı atıb.

Xalı 69-dan 59-a düşən Turin klubu A seriyasının turnir cədvəlində 2-ci pillədən 7-ci yerə düşüb.

Qeyd edək ki, İtaliya Futbol Federasiyası yanvar ayında maliyyə fırıldaqlarına görə "Yuventus"un A seriyasında 15 xalını silmişdi. Aprel ayında isə İtaliya İdman İdarəsi müvəqqəti olaraq cəzanı ləğv etmişdi.