İranın Culfa şəhərində “Qanuni sinfi” təşkilatının çağırışı ilə məktəb müəllimləri şagirdlərin zəhərlənməsinə görə etiraz aksiyası keçiriblər. Onlar hesab edir ki, zəhərlənmə hadisəsinin arxasında “Tərh Emin” layihəsinə qoşulan dindar müəllimlər dayanıb.
Bu barədə BUTA.TV-a Güney Azərbaycan İnsan Haqları Mərkəzindən məlumat verilib.
Bildirilir ki, bu layihə yeni fəaliyyətə başlayıb. Müəllimlərin iddasına görə, “Tərh Emin” layihəsi əsasında məktəblərdə dərs deyən müəllimlər molla rejiminin çirkin sifarişini yerinə yetirir.
“Bu layihənin iştirakçıları dini məktəblərdə təhsil almış müəllimlərdir və onlar məktəblilərin dini dəyərlərini tənzimləməkdə görəvlidilər. Məktəblərdə yeganə yad şəxslər bu müəllimlərdir. Kamera görüntülərində də məktəbə kənar şəxslərin girişi müşahidə olunmayıb. Məhz onlar rejimin göstərişi ilə qızları zəhərləyir. Müəllimlər tezliklə bu işin araşdırılmasını tələb edirlər. Onların gəldiyi son nəticə budur ki, molla rejiminin bu işə birbaşa müdaxiləsi var. Ona görə də hadisəni törədənlərin tapılması istiqamətində ciddi işlər görülmür. Uşaqlar arasında kritik psixoloji vəziyyət yaranıb. Valideynlər öz uşaqları üçün narahatdır. Bu səbəbdən də övladlarını məktəbdən və təhsildən yayındırmağa məcburdular”, - deyə məlumatda qeyd olunub.
- KTMT Qarabağda İrəvanın tərəfində vuruşmamalı idi...
- Moskvanın Ərdoğana sualları olacaq: əslində nə baş verir?
- Suriyada hücumun arxasında Türkiyə dayanır? - Atabəy
- Bakını hədəfə alan qız Türkiyədə elə sözlər dedi ki... - Foto
- Dudanın Azərbaycan sərhədinə gəlişi... - Markov
- Hədəfimiz Azərbaycandır: iki qardaş xalq... - İranlı nazir
- Ermənistan himnimizə də göz dikdi: "Üç rəngli..."
- Qərbin hücumu və Bakıda qırılan “100 milyard” tilsimi