Hər hansı təbii faciə baş verəndə əsasən uşaqlar zərər çəkir. Onlar hadisədən psixoloji travma aldıqları üçün daha çox yardıma ehtiyac duyurlar. Təbrizdə uşaqların rəsm sərgisinin keçirilməsi onlara psixoloji yardım üçün idi.
Bu sözləri BUTA.TV-a Təbrizdə Xoy zəlzələsində zərər çəkən uşaqların rəsm sərgisinin təşkilatçılarından olan güneyli karikaturaçı Elnaz Xakzad deyib.
Azərbaycanlı xeyriyyəçilərin zəlzələdən zərər çəkənlərə yardımlar etdiyini deyən karikaturaçı sərginin məqsədindən də söz açıb:
“Xoyda baş verən zəlzələdə zərər çəkən uşaqlara yardım üçün sənətçilər, həkimlər, psixoloqlar və jurnalistlərdən ibarət bir qrupla bölgəyə getdik. Müxtəlif proqram və tədbirlər həyata keçirərək uşaqlara dəstək olmağa, hadisənin psixi ağırlığını azaltmağa çalışdıq. Sərgidə nümayiş etdirilən 131 rəsm əsərinin hamısı Xoy zəlzələsində zərər çəkənlərin öz əsərləridir. Bu əsərləri nümayiş etdirmək onların cəmiyyətimiz üçün nə qədər dəyərli olduqlarını uşaqlara göstərmək idi”.
Qeyd edək ki, martın 1-i Təbrizin “Naci” kinoteatrında “Mən bir günəbaxanam Xoy zəlzələsində” adı altında keçirilən sərgi güneylilər tərəfindən geniş rəğbətlə qarşılanıb.
- Suriyada hücumun arxasında Türkiyə dayanır? - Atabəy
- Bakını hədəfə alan qız Türkiyədə elə sözlər dedi ki... - Foto
- Dudanın Azərbaycan sərhədinə gəlişi... - Markov
- Hədəfimiz Azərbaycandır: iki qardaş xalq... - İranlı nazir
- Ermənistan himnimizə də göz dikdi: "Üç rəngli..."
- Qərbin hücumu və Bakıda qırılan “100 milyard” tilsimi
- Bakının tələbi var, yoxsa demarkasiya olmayacaq - Sərkisyan
- Polşa səfiri XİN-ə çağırıldı