Paşinyan Rusiyaya açıq şəkildə “KTMT və MDB-dən çıxa, 102-ci hərbi bazanı bağlaya biləcəklərinin” mesajını verdi. Hərçənd, Nikol mesajlarının çatdırılmasında özünəməxsus formatdan istifadə edir: əvvəlcə ata biləcəkləri addımlar haqda ictimai rəy yaradır, daha sonra bundan bəhs edir;

- Ermənistan KTMT və MDB-dən çıxa bilər: Nikol buna o haqda iddianı təkzib üzərindən işarə vurdu;

- 102-ci hərbi bazanın gələcəyi sual altındadır: Grmüdəki baza ətrafında “etiraz aksiyası” təşkil olundu, ardınca Paşinyan məsələni gündəmə gətirdi;

- İrəvan KTMT-yə (Rusiyaya) qarşı ilk həmləsini etdi: təşkilatın Ermənistanda planlaşdırılan hərbi təlimindən imtina etdilər və Paşinyan son dövrlər baş verənləri nəzərdə tutaraq, bəyan etdi ki, “indiki halda bu təlimlərin keçirilməsi məqsədəuyğun deyil”;

Belə görünür ki, Ermənistan Moskvanı şantaj etməklə KTMT-nin sərhəd məsələsinə müdaxiləsinə nail olmaq, Rusiyanı Laçın yolundakı aksiyaya qarşı addım atmağa sövq etdirmək, “müttəfiqləri”ni Bakıya qarşı birləşdirmək istəyir. Lakin İrəvan da anlayır ki, KTMT-nin Bakıya qarşı cəbhədə yer alması, delimitasiya olunmayan sərhəddə baş verənlərə görə Azərbaycana qarşı praktiki addımların atılması, eləcə də Laçın yolundakı aksiyanın hədəfinə nail olmadan dayanması ehtimalı azdır.

Bu baxımdan, Paşinyan baş verənlərdən Rusiyanın təsirini minimallaşdırmaq və Moskvadan uzaqlaşmaq üçün istifadə edir.

• 70 kq qızılla saxlanılan azərbaycanlı diplomatdır?
• 70 kq qızılla tutulan diplomat bu səfirlikdə işləyir - Bakıya gətirildi
• Ərazimizi bərpa edib, Quterreşi Bakıya gətirdik…
• Bakıda keçirilən COP29-un bitəcəyi tarix açıqlandı
• Netanyahu Bakıya gələrsə, həbs ediləcək? - “Məntiq bunu deməyə əsas verir”
• Japarov Azərbaycanla bağlı bu sazişi təsdiqlədi
• COP29 Sədrliyi bəyanat yaydı
• Prezident bu nazirə ali xüsusi rütbə verdi