Rusiyalı hərbi ekspert İqor Korotçenko bir neçə gün öncə vəfat etmiş rusiyalı siyasətçi, akademik, Rusiya Ali Sovetinin sonuncu sədri Ruslan Xasbulatovun 2019-cu ildə Ruslan Qurbanova verdiyi müsahibəsinin videoyazısını paylaşıb.
BUTA.TV xəbər verir ki, müsahibəsində Ruslan Xasbulatov SSRİ-yə ən böyük zərbənin ermənilər tərəfindən vurulduğunu deyib.
“Sovet İttifaqına ən böyük zərbəni ermənilər vurdu. Onlar başqa əraziləri ələ keçirmək üçün açıq silahlı qarşıdurmaya başladılar. Qarabağda erməni əhalisi çoxluq təşkil etsə də, Konstitusiya, qanun nöqteyi-nəzərindən Dağlıq Qarabağ Azərbaycana məxsusdur. Onlar məsələni sülh yolu, bəlkə də qurultay yolu ilə həll etmək əvəzinə, silahlı mübarizəyə başlamaq qərarına gəldilər. Məhz bu hadisələrdən sonra bütün dünya mərkəzi hakimiyyətin zəifliyini gördü. Yeri gəlmişkən, Dövlət Təhlükəsizlik Komitəsi (DTK) Mixail Qorbaçovun göstərişini gözləmədən bununla məşğul olmalı idi. Dövlətin müdafiəsi DTK-nın funksiyasıdır. Onlar orada hərəkət etməli, respublikaların rəhbərliyindəki 20-30 nəfəri həbs etməli idilər. SSRİ-nin süqutu Qafqazdan başladı. Bu silahlı münaqişə başlayanda Baltikyanı ölkələr də gördü ki, heç kim ciddi addımlar atmır”, - o bildirib.
- Soydaşımızı Ermənistanda döydülər - Video
- Putinin rezonans doğuran müraciəti: Bu sözü demədi!
- 3 böyük güc Rusiyaya qarşı – Putin 2 ay dözmək üçün…
- Rusiyadan qaz idxal etməmişik. Nöqtə! - Hacıyev
- Fransadan Netanyahunun həbs qərarına – Şok cavab
- Ukrayna zərbələr endirir: Putin nüvəyə əl atmasa…
- Valentina Matviyenko Azərbaycana gələcək
- Berbok Bakıda: Təfərrüatı barədə heç nə deyə bilməyəcəm!