ABŞ Dövlət Departamentinin Qafqaz danışıqları üzrə baş müşaviri Filip Rikerin səlahiyyət müddətinin başa çatmasına baxmayaraq, rəsmi Vaşinqton Cənubi Qafqazda təhlükəsizliyi və sülhü bundan sonra da təşviq edəcək.

BUTA.TV xəbər verir ki, bu barədə Report-a ABŞ Dövlət Departamentindən bildirilib.

“Səfir Filip Riker ötən ilin avqustunda Qafqaz danışıqları üzrə baş müşavir vəzifəsinə təyin olunduqdan sonra onun bu vəzifəni 2022-ci ilin sonuna qədər qısamüddətli əsasda tutacağı ilkin olaraq başa düşülür və gözlənilirdi”, – məlumatda qeyd olunub.

Dövlət Departamenti bəyan edib ki, F.Rikerin səlahiyyət müddətinin başa çatması ABŞ-ın Cənubi Qafqaz regionu üçün təhlükəsiz, sabit, demokratik, firavan və dinc gələcəyi təmin etməsinə sadiqliyinə heç bir şəkildə xələl gətirmir.

Vurğulanıb ki, ABŞ Azərbaycan və Ermənistan arasında birbaşa dialoqu təşviq etmək və həll olunmamış məsələlərin həlli yollarını tapmaq üçün Avropa İttifaqı kimi tərəfdaşlarla və ATƏT kimi beynəlxalq təşkilatlar vasitəsilə ikitərəfli əlaqələri davam etdirir.

Xatırladaq ki, Filip Rikerin ABŞ Dövlət Departamentinin Qafqaz danışıqları üzrə baş müşaviri vəzifəsində səlahiyyət müddəti yanvar ayında başa çatıb.

• Tum çırtlayaraq işçilərə əziyyət edənlər işdən çıxarıldı - Video
• Azərbaycanda 92 yaşlı məşhur işə qəbul olundu
• Metroda interval 13 dəqiqəyə qədər artdı
• Qaradağda tarixi-mədəni abidələrə ziyan vuranlar saxlanıldı
• Tabutumu azərbaycanlı gənclər daşısın... - Davudoğlu
• İlham Əliyev, indi bu adı deməyi sevirəm - Tramp
• Azərbaycan 7 milyard verən ölkələrdən biridir? - Hacıyev
• Azərbaycanlıların İrəvana getməsi erməniləri təşvişə saldı