Son bir neçə il ərzində Azərbaycanda əhalinin artım tempində azalma müşahidə olunur.

BUTA.TV “Yeni Sabah”a istinadla xəbər verir ki, bunu Milli Məclis sədrinin birinci müavini, hakim Yeni Azərbaycan Partiyası sədrinin müavini Əli Əhmədov martın 13-də parlamentdə hökumətin 2025-ci il üzrə hesabatının müzakirəsi zamanı deyib.

O xatırladıb ki, 2015-ci ildə Azərbaycanda 160 mindən çox uşaq doğulduğu halda, 2025-ci ildə bu göstərici 100 minin altında oldu: “2015-ci ildə Azərbaycanın məktəblərində 1,5 milyondan çox uşaq təhsil alırdı. Bu isə o deməkdir ki, növbəti dövrlərdə məktəblərimizdə oxuyanların sayı əhəmiyyətli dərəcədə azalacaq və bu vəziyyət 50 minə yaxın müəllimin ixtisarı riskini yarada bilər”.

Ə.Əhmədov vurğulayıb ki, bir neçə onillikdən sonra isə pensiya alan əhali ilə əmək qabiliyyətində olan əhali arasında nisbət ciddi şəkildə dəyişə bilər:

“Bu isə iqtisadiyyatımıza və sosial siyasətimizə ciddi təsir göstərə bilər. Güman edirəm ki, 2026-cı ildə və sonrakı illərdə Əmək və Əhalinin Sosial Müdafiəsi Nazirliyinin rəhbərliyi və hökumət demoqrafik məsələlərə diqqəti daha da artıracaq”.

• “Park Yasamal”da dövlət ipotekasına yararlı mənzillər satışa çıxdı
• Qubada kvadrisikl qəzaya uğradı: ölən var
• Zakir Fərəcov növbəti səyyar qəbul keçirdi
• Azərbaycanda son bir ayda qiymətlər bu qədər artıb
• ADY yeni platforma istifadəyə verdi - Video
• Adnan Əhmədzadənin həbs müddəti yenidən uzadıldı
• ABB-dən 200 000 manata qədər təmir krediti
• Milli Qəhrəmanın oğlu vəkil oldu - Foto