Müharibə vaxtı onları Azərbaycan ordusu öldürməyib - Mxitaryan
2020-ci ildə 44 günlük müharibə zamanı həlak olanların bir qismi döyüş şəraitində ölməmişdi.
BUTA.TV Globalinfo.az-a istinadla xəbər verir ki, bunu Ümumerməni Həkimlər Assosiasiyası” QHT-nin rəhbəri Sergey Mxitaryan deyib.
O, Ermənistan ordusunun tibbi təchizatının çox zəif olduğunu bildirib:
“Yalan danışmamaq lazımdır. Müharibə zamanı həlak olanların bir qismi xəstəxanalara yerləşdirilən, döyüş meydanlarından güclə çıxarılan yaralılar idi. Onlar məhz tibb sahəsində yaşadığımız çatışmazlıqlara görə xilas edilə bilmədilər. Əsgərləri itirdik. Hətta 2022-ci il sentyabr döyüşlərində də eyni problemlə üzləşdik. Bunlar yanlış tibbi müdaxilə metodlarına görə baş verirdi. Müdafiə Nazirliyinin tibbi xidmətində ciddi nöqsanlar var. Dərman preparatlarının təminatı, tibb xidmətinin çevik hazırlıq səviyyəsi yaxşı deyil. Adicə tibb bacıları 3 ildən bir ixtsasartırma kurslarından keçirlər. Bu, zəif göstəricidir. Bizdə həkimklər, tibb işçiləri müharibə şəraitində yaralılara çevik və peşəkar müdaxilə edə bilmirlər”.
