Hacıyev bu sözləri ermənilərə çatdırmağımı istədi

Azərbaycan Prezidentinin köməkçisi Hikmət Hacıyev Ermənistan ictimaiyyətinə müharibənin Azərbaycan üçün bitdiyini çatdırmağımı istədi.

BUTA.TV xəbər verir ki, bunu Ermənistan nümayəndə heyətinin üzvü Areq Koçinyan Hikmət Hacıyevlə Bakıda keçirilən görüş barədə danışarkən deyib.

“Hacıyev vurğulayıb ki, Ermənistan-Azərbaycan münaqişəsi artıq Azərbaycan üçün mövcud deyil, o bitib. Onlar müharibəsiz, sülh vəziyyətinə əsaslanan bir dünya qurmaq, Ermənistanla hərtərəfli və uzunmüddətli sülhə can atmaq istəyirlər, bu da Azərbaycanın Ermənistana qarşı heç bir ərazi iddiası olmayacağı deməkdir”, - o bildirib.

Qeyd edək ki, 21-22 noyabr tarixlərində “Sülh Körpüsü” Təşəbbüsü çərçivəsində Ermənistan vətəndaş cəmiyyəti nümayəndələrindən ibarət qrupun Azərbaycana səfəri baş tutub.