Azərbaycana bu il ən çox sərmayə qoyan ölkələr

Bu ilin ilk altı ayında Azərbaycana yönələn birbaşa xarici investisiyaların həcmi 3,2 milyard ABŞ dolları təşkil edib.

BUTA.TV xəbər verir ki, bu barədə Mərkəzi Bankın Statistika Departamentinin direktoru Samir Nəsirov məlumat verib.

Onun sözlərinə görə, Azərbaycana ən çox investisiya yatıran ölkələrin ilk beşliyinə Böyük Britaniya (806 mln dollar), Türkiyə (629 mln dollar), Kipr (353 mln dollar), İsveçrə (226 mln dollar) və İran (176 mln dollar) daxildir.

Nəsirov bildirib ki, hesabat dövründə Azərbaycan da xaricə 1,349 milyard dollar həcmində birbaşa investisiya yatırıb. Bu baxımdan İsrail (542 mln dollar), Türkiyə (177 mln dollar), Birləşmiş Ərəb Əmirlikləri (156 mln dollar), Gürcüstan (77,6 mln dollar) və ABŞ (77,1 mln dollar) ilk beşlikdə yer alıb.