Ruben Vardanyan Qarabağa getməzdən əvvəl Ermənistanın Baş naziri Nikol Paşinyanla görüşmüşdü. Onlar baş nazirin kabinetində bir araya gəliblər, hətta Paşinyan Vardanyana uğurlar arzulayıb.

BUTA.TV Globalinfo.az-a istinadla xəbər verir ki, bunu Ermənistanın keçmiş baş naziri Hrant Baqratyan deyib.

Onun sözlərinə görə, Paşinyan Vardanyanın Qarabağa səfərini və oradakı fəaliyyətini dəstəkləyib:

“Hətta bərabər qədəh qaldırıblar, baş nazir Vardanyanın şərəfinə tost deyib. İndi isə onun barəsində başqa fikirlər səsləndirir. Əslində bu belə Nikol Paşinyanın nə qədər təhlükəli biri olduğunu göstərir. Vardanyan erməni ictimaiyyəti üçün ciddi fiqurdur”.

Qeyd edək ki, Nikol Paşinyanın ötən ilin avqust ayında keçirdiyi mətbuat konfransı zamanı Ruben Vardanyanla bağlı açıqlaması ictimaiyyətdə birmənalı qarşılanmayıb. O, Vardanyanın Rusiya vətəndaşlığından imtina etməsinə diqqət şəkib və onun Qarabağa birbaşa Moskvanın tapşırığı ilə getdiyi mesajını verib. Baş nazir Vardanyanın Qarabağa gedişinin bir çox suallar doğurduğunu və məsələnin şəxsinə bağlı olmadığını bildirib.

Xatırladaq ki, Azərbaycana qarşı hərbi cinayətlərdə ittiham olunan ermənilərin Bakıda keçirilən məhkəmə prosesi davam edir.

• Azərbaycanla sərhəddə müşahidəçilər bu tarixə qədər qalacaq
• Ankara İrəvana “nəfəslik” açdı – Qardaş ölkədə nə baş verir?
• Qar uçqununa düşən hərbi qulluqçuların nəşi tapıldı
• Ərdoğan Əliyevi təbrik etdi
• Silah alınır, istehkamlar tikilir, ordu güclənir - Papikyan
• “Hoteldə dövlət nümayəndələrinə qarşı videomu çəkdilər” - 22 yaşlı Türkanın başına gələnlər
• İrəvana gedən azərbaycanlı ekspertlər kimdir?
• Paşinyan sülh sazişinə Bakıda imza atacaq - Sensasion iddia