ABŞ-ın yeni administrasiyası neftin ucuzlaşmasına çalışacaq. Belə bir trend gözlənilir, lakin bunun dərhal baş verməsi real deyil.
Bu sözləri BUTA.TV-a açıqlamasında iqtisadçı ekspert Natiq Cəfərli Donald Trampın Ukrayna və Rusiya üzrə xüsusi nümayəndəsi Keyt Kelloqun neftin qiymətini 45 dollara salmaqla bağlı mövqeyinə münasibət bildirərkən deyib.
Onun sözlərinə görə, Tramp neftin qiymətinin aşağı olmasını istəyir:
“Tramp buna nail olmaq üçün ABŞ-da neft istehsalını artırmaqla yanaşı, ərəb ölkələrini də istehsalı artırmağa məcbur etməlidir. Lakin bu, zaman alacaq - ən azı 6-8 ay”.
Ekspert bildirib ki, aşağı neft qiymətləri Rusiya üçün ciddi problemlər yarada bilər, lakin bunun təsiri müddətdən asılıdır:
“Əgər neftin qiyməti 3-4 ay aşağı səviyyədə qalsa, Rusiyaya ciddi təsir etməz. Amma qiymətlərin 2-3 il ərzində aşağı səviyyədə qalması Rusiya iqtisadiyyatına ağır zərbə vura bilər”.
N.Cəfərli Azərbaycanın iqtisadiyyatına da neft qiymətlərinin təsirsiz ötüşməyəcəyini vurğulayıb:
“Azərbaycan büdcəsində neftin qiyməti 70 dollar səviyyəsində nəzərdə tutulub. Buna görə də neftin qiyməti 70 dollardan aşağı, xüsusən də 45 dollara düşərsə, ölkəmizə ciddi təsir edə bilər. Təəssüf ki, iqtisadiyyatımız hələ də neftdən çox asılıdır.
Hesab edirəm ki, ən qısa müddətdə ucuz neft dövrünə hazırlaşmaq lazımdır, qeyri-neft sektorunun inkişafı üçün sürətli addımlar atılmalıdır. Yerli biznesin inkişafı üçün yeni vergi və gömrük güzəştləri tətbiq edilməlidir”.
- Təyyarə qəzası: Yaxın vaxtlarda açıqlama olacaq - Hacıyev
- Ermənistana göndəriləcək ABŞ hərbçiləri “harda qaldı”?
- Tanınmış alimin biznesmen oğlunun müəmmalı ölümü – Detallar
- Yunanıstandakı səfirliyimizdən qovulan birinci katib kimdir?
- Çindən inqilabi sıçrayış: ABŞ trilyonlar itirdi
- Ermənistan özünü qeyri-səmimi aparırdı, İranla razılaşdıq
- Bu layihənin Azərbaycansız iki qəpiklik də qiyməti yoxdur
- İlham Əliyevdən Zəngəzur dəhlizi ilə bağlı açıqlama