Nikol Paşinyanın planının şifrələri bəlli olmağa başlayır. O, əvvəlcə hökumətin iclasında Ermənistanın Avropa Birliyinə daxil olması prosesinin başlanmasına dair qanun layihəsini təsdiq edir və parlamentə göndərir, ikinci mərhələdə İrəvanla Vaşinqton arasında məxfi şəraitdə hazırlanan strateji tərəfdaşlıq sazişi imzalayır. Yəqin növbəti mərhələ Ermənistanın rəsmən Kollektiv Təhlükəsizlik Müqaviləsi Təşkilatını tərk etməsi olacaq.
BUTA.TV xəbər verir ki, bu sözləri politoloq Elxan Şahinoğlu Ermənistan XİN rəhbəri Ararat Mirzoyanın ABŞ-a səfəri və Amerika ilə strateji tərəfdaşlıq sazişinin imzalanacağı haqda məlumatı şərh edərkən deyib.
“İrəvan Brüssel və Vaşinqtonla strateji tərəfdaşlığı gücləndirməklə özünü Rusiya təhlükəsindən sığortalamağa çalışır. Ermənistan hökuməti Brüssel və Vaşinqtonla yaxınlaşmaqla eyni zamanda AB və ABŞ-ın Azərbaycanla əlaqələrinə mənfi təsir etməyə çalışacaq. İrəvanın bu oyununu pozmalıyıq. Rəsmi Bakının Brüssel və Vaşinqtonla münasibətlərindəki mövcud suallara rəğmən, ABŞ və AB ilə dialoq kanallarını açıq tutmalıyıq”, - politoloq qeyd edib.
- ABŞ Ermənistana sərhəd mühafizə qrupu göndərir – Təcili
- İrəvanla Bakı bu 2 məsələni həll etməlidir: Ya hə, ya yox!
- Rusiya helikopteri Azərbaycanda, AZAL təyyarəsi Aktauda...
- Lavrovdan Azərbaycan açıqlaması: Bakı ilə əlaqələr...
- AZAL təyyarəsinin qəzasından sui-istifadə... - Mixaylov
- Lavrovun “Bayramova məktub” yalanını kim və niyə yaydı?
- Paşinyanın məxfi planı üzə çıxdı: Bakı oyunu pozmalıdır
- Zərər 300 milyarda çatır: ABŞ-da iqtisadi böhran olacaq?