Levon Ter-Petrosyanın “Yerkrapa” terrorçu qruplaşması qarşısında 1993-cü il 23 iyulunda etdiyi çıxışın üzə çıxması çox vacib dəlildir.
BUTA.TV xəbər verir ki, bu sözləri sabiq xarici işlər naziri, politoloq Tofiq Zülfüqarov Ermənistanın ilk prezidenti Ter-Petrosyanın etirafları haqda danışarkən deyib.
Politoloq bildirib ki, Azərbaycan və dünya ictimaiyyəti bu mövzunu araşdırmalıdır:
“Ermənistanın bu münaqişəyə hansı məqsədlərlə başladığını dünya görməlidir. Ermənistanın dövlətçilik ideologiyası türklərə qarşı qurulub, hətta Ter-Petrosyanın etirafında saydığı “uğurları” sübut edir ki, onlar faşist-millətçilik ideologiyası ilə hərəkət ediblər.
Xatırlayırsınızsa, vaxtilə Ermənistanın ikinci prezidenti Robert Köçəryan da parlamentdə çıxışında bildirmişdi ki, azərbaycanlılarla ermənilər “genetik baxımdan” bir yerdə yaşaya bilməzlər. Elə bu fikir də faşist yanaşmanın təzahürüdür. Ancaq bu bəyanata fikir verən olmadı.
Düşünürəm ki, bu məsələ ilə bağlı Ermənistan tərəfi ictimaiyyət üçün müzakirələr yaratmağa məcburdur. Biz də həmin müzakirələrin nəticələrini gözləyirik”.
Qeyd edək ki, bir müddət əvvəl yutuber Albert İsakov Ermənistanın birinci prezidenti Levon Ter-Petrosyanın 23 iyul 1993-cü ildə Qarabağda qətliamlar törədən və mülki azərbaycanlılara qarşı aqressivliyi ilə fərqlənən “Yerkrapa” terrorçu qruplaşması qarşısında etdiyi çıxışı yayıb. Bu çıxışda Petrosyan azərbaycanlıları silah gücü ilə öz yurd-yuvalarından qovduqlarını açıq etiraf edir.
- Türkiyənin diviziya generalı Azərbaycan Konsulluğunda
- Prezidentdən İrana: O molla cəzalanmalı, qovulmalıdır - Video
- İran yenə də bizi aldatdı - VİDEO
- Prezident protokolu qəsdən pozdu, rusca danışdı – Səbəb
- İlham Əliyev Szinpinə başsağlığı verdi
- Petrosyanın sözləri Ermənistanın terrorçu mahiyyətini əks etdirir
- Gəncədə dörd avtomobil toqquşdu: xəsarət alan var
- Ermənilər Naxçıvan istiqamətində bunker tikir - Foto