Braziliya Ali Məhkəməsi ölkədə X sosial media platformasına girişi qadağan edib.

BUTA.TV xəbər verir ki, bu barədə "Röyters" məlumat yayıb.

Məhkəmə X sosial media platformasının Braziliyaya qanuni nümayəndəsinin təyin edilməsi üçün 24 saat möhlət verib.

Bildirilib ki, qərar şirkətin Braziliyada qanuni nümayəndəsinin təyin olunacağı və cərimələrin ödəniləcəyi vaxta qədər qüvvədə qalacaq:

"İnternet provayderlərinə və tətbiq mağazalarına X platformasına girişi əngəlləmək üçün 5 gün vaxt verilir. VPN kimi yollarla X hesabına giriş etməyə cəhd göstərən şəxs və ya quruluşlar cərimə olunacaq”.

Platformanın sahibi İlon Mask isə X hesabında Braziliya məhkəməsinin bu qərarına münasibət bildirib:

"İfadə azadlığı demokratiyanın təməl daşıdır və Braziliyada seçilməmiş hakim bunu siyasi səbəblərlə məhv edir".

Xatırladaq ki, Braziliya Ali Məhkəməsi X platformasından bəzi şəxslərin istifadəçi məlumatlarını verməsini, bəzi hesabların əngəllənməsini istəmişdi.

Mask isə məhkəmənin tələbini yerinə yetirməyərək, platformanın Braziliyadakı ofisini bağlamışdı.

• Bakının bu yollarında təmir işləri həyata keçiriləcək
• Bu rayonun təhsil sektor müdiri işdən çıxarıldı - Səbəb
• 30 il əvvəl törədilən qətlin üstü açıldı: saxlanılanlar var
• Cəbrayıldakı yarmarkada 100-ə yaxın vakansiya təqdim edilib
• Azərbaycanlı gəncin qətli ilə bağlı 11 nəfər saxlanıldı
• Güclü külək əsəcək - Sarı xəbərdarlıq
• Metrodakı texniki insidentə görə avtobusların sayı artırıldı
• Anar Bayramov onları da işdən çıxardı