Türkiyənin 8 bölgəsində təşkil edilən Quyu-21 əməliyyatı zamanı 18 ölkədə beynəlxalq axtarışa verilən 25 şübhəli saxlanılıb.

BUTA.TV xəbər verir ki, bu barədə Türkiyə daxili işlər naziri Əli Yerliqaya X hesabında yazıb.

Bildirib ki, Antalya, Bursa, İstanbul, İzmir, Mersin, Sakarya, Samsun və Trabzonda aparılan əməliyyat nəticəsində saxlanılan şəxslərin Almaniya, Avstraliya, Azərbaycan, Mərakeş, Niderland, İraq, İran, İtaliya, Qazaxıstan, Qırğızıstan, Cənubi Koreya, Monqolustan, Moldova, Özbəkistan, Rusiya, Suriya, Türkmənistan, İordaniyada beynəlxalq axtarışda olduğu müəyyənləşib.

Saxlanılanlar cinayət törətmək məqsədi ilə təşkilat yaratmaq və ya üzv olmaq, narkotik vasitələrin qanunsuz dövriyyəsi, qəsdən adam öldürmə, şəxsi azadlığının məhdudlaşdırılması, seksual xarakterli cinayətlər, rəsmi sənədləri saxtalaşdırma, dələduzluq, çirkli pulların yuyulması, insan alveri və immiqrant qaçaqmalçılığı ilə bağlı axtarış qeydlərinin olduğu müəyyən edilib.

İnterpol tərəfindən axtarılan və Türkiyədə olduğu müəyyən edilən şübhəlilər İl İmmiqrasiya İdarəsi Müdirliyinə təhvil verilib və deportasiya prosesi başlanıb.

• Bu gün Mingəçevirin bu ərazilərində işıq olmayacaq
• Xırdalan şəhərinin bir hissəsində işıq olmayacaq
• Diqqət: Magistral yollarda görmə məhdudlaşacaq
• Bakının bu yollarında təmir işləri həyata keçiriləcək
• Bu rayonun təhsil sektor müdiri işdən çıxarıldı - Səbəb
• 30 il əvvəl törədilən qətlin üstü açıldı: saxlanılanlar var
• Cəbrayıldakı yarmarkada 100-ə yaxın vakansiya təqdim edilib
• Azərbaycanlı gəncin qətli ilə bağlı 11 nəfər saxlanıldı