Qazaxıstanın qərbində yerləşən Manqistau vilayətində Azərbaycan, Qazaxıstan, Qırğızıstan, Tacikistan və Özbəkistan hərbçilərinin iştirakı ilə “Birləştik-2024” regional beynəlxalq təlimləri başlayıb.
BUTA.TV xəbər verir ki, bu barədə Qazaxıstan Müdafiə Nazirliyinin mətbuat xidməti məlumat yayıb.
“Hərbi kontingentlər iyulun 8-dən 17-dək Oymaşa poliqonunda, eləcə də Tokmak burnundan 2 km aralıda yerləşən dəniz sahəsində silahlı münaqişənin lokallaşdırılması üçün birgə əməliyyat hazırlayıb həyata keçirəcək. Taktiki epizodlar yerüstü və hava kəşfiyyat qrupları, Hərbi Dəniz Qüvvələrinin xüsusi təyinatlıları, ordu və cəbhə aviasiya ekipajları, döyüş gəmiləri və katerləri, artilleriya ekipajları, hücum və tank bölmələrinin iştirakı ilə keçiriləcək”, - məlumatda bildirilib.
Qeyd edək ki, təlimlərə 4 minə yaxın hərbi qulluqçu, 700-ə qədər silah və hərbi texnika cəlb olunacaq.
- QHT nümayəndələri Nyu-York merinə məktub yazdı
- 62 yaşlı qadın faciəvi şəkildə öldü
- Qurumlar yararsız maşınları sığortalayır - Palata
- İntensiv yağış yağacaq, dolu düşəcək – Xəbərdarlıq
- Orta Dəhlizin inkişafı üzrə mühüm sənədlər imzalandı
- Şərurda avtomobilini yandıran sərxoş sürücü saxlanıldı
- Bakıda pariklə dələduzluq edən şəxs tutuldu - Video
- Kürdəmirdə iki gün əvvəl əməliyyat olunan şəxs öldü