İnkişaf Yolu Layihəsi 2028-ci ildə tamamlanacaq.
BUTA.TV "TurkicWorld"a istinadən xəbər verir ki, bu barədə Türkiyənin Nəqliyyat və İnfrastruktur naziri Əbdülqədir Uraloğlu Bağdadda İraq rəsmiləri ilə görüş zamanı deyib.
“Bizim İraqda bu işin mümkün qədər tez görülməsi iradəsini yaxından görmək imkanımız oldu. Bu, əvvəlcə iki ölkənin, daha sonra Qətər və Birləşmiş Ərəb Əmirlikləri (BƏƏ) kimi dörd ölkənin bu iş üçün əsas məsuliyyəti öz üzərinə götürməsi ilə başlayan bir prosesdir. Qiymətləndirdik ki, əgər qonşu ölkələrdən iştirak və dəstək xahişi olarsa, buna da qapılarımız açıqdır”, – Uraloğlu bildirib.
O qeyd edib ki, İnkişaf Yolu Layihəsi çərçivəsində İraq ərazisində görüləcək iş 1200 kilometri əhatə edir.
“Türkiyə sərhədləri daxilində olan hissə təxminən 1600 - 1700 kilometrdir. Biz əslində görməli olduğumuz işlərin çoxunu görmüşük. Görülməli olan işlərlə bağlı tez hərəkət etmək lazımdır. Çünki alternativ yollar da irəli sürülüb. Burada daha yüksək səviyyəli yanaşma var və biz də bunu dəstəkləyirik. Fav Portun birinci mərhələsi 2025-ci ildə həyata keçiriləcək. Lakin biz bütün layihənin 2028-ci ildə tamamlana biləcəyini proqnozlaşdırırıq”, – nazir əlavə edib.
- Bu avtobuslar yenilənir: Gediş haqqı...
- Dəmir yolunda baş verən qəzalar... - Video
- Ukrayna Permdəki neft obyektlərini yenə vurdu - Video
- Bakının mərkəzi yolları bağlanır
- “Nar” beynəlxalq sosial təşəbbüsə tərəfdaş oldu
- Kliniki Tibbi Mərkəzi kim idarə edir?
- Bakıda "B-04" metrostansiyası bu ərazidə yerləşəcək - Video
- Maliyyə Nazirliyinin kollegiyasının tərkibi genişləndirildi