İyunun 14-də Azərbaycan Respublikasının Baş naziri Əli Əsədov ilə Türkiyə Respublikasının vitse-prezidenti Cevdət Yılmaz arasında telefon danışığı olub.

BUTA.TV xəbər verir ki, telefon danışığı əsnasında Ə.Əsədov C.Yılmazı Türkiyənin Vitse-prezidenti vəzifəsinə təyin edilməsi münasibətilə bir daha təbrik edib, qarşıdakı fəaliyyətində ona uğurlar arzulayıb.

İki qardaş ölkə arasında strateji tərəfdaşlıq və müttəfiqlik əlaqələrinin prezidentlər İlham Əliyev və Rəcəb Tayyib Ərdoğanın qətiyyətli səyləri ilə bütün sahələrdə yüksək səviyyədə inkişafından məmnunluq ifadə olunub.

Türkiyə prezidentinin Azərbaycana son səfərinin ikitərəfli münasibətlərin daha da inkişaf etdirilməsi baxımından əhəmiyyəti vurğulanıb.

İki ölkə arasında əlaqələrin müxtəlif istiqamətlərdə daha da möhkəmləndirilməsi və dərinləşdirilməsi üçün qarşılıqlı fəaliyyətə hazırlıq ifadə olunub.

Eyni zamanda Azərbaycan ilə Türkiyə arasında iqtisadi əməkdaşlıq üzrə Birgə Hökumətlərarası Komissiya çərçivəsində görüləcək işlər nəzərdən keçirilib.

• AzTV-də dəyişikliklər: bəzi şöbələr birləşdirilir...
• Qızılağaclar kəsildi: saxlanılanlar var
• Bakıda məşhur şadlıq evi yandı
• Bakı-Ağdam-Bakı marşrutu üzrə əlavə qatar reysləri təyin edildi
• Bakıda qənnadı müəssisəsinin fəaliyyəti dayandırıldı - Foto
• Bakıda bir evi soyan 4 nəfər saxlanıldı
• Hərbi vəzifəlilərlə təlim toplanışı başladı
• “İdrak”da müəllimi güllələyən şagird haqda bu xəbər təkzib edildi