“Qarabağ” çox yaxşı komandadır. UEFA Çempionlar Liqasının qrup mərhələsində çıxış edib və bu mövsüm pley-offadək irəliləyib. Məncə, Belçika çempionları örnək götürməlidir.

BUTA.TV xəbər verir ki, bunu UEFA Avropa Liqasının pley-off mərhələsinin ilk oyununda Ağdamın “Qarabağ” klubunun qonağı olacaq Belçikanın “Gent” komandasının baş məşqçisi Heyn Vanhazebruk mətbuat konfransında deyib.

Mütəxəssis bildirib ki, komanda 30 min azarkeşin önündə çıxış edəcək. Bu, həyəcan doğurur. Çətin matç olacaq. Bizim üçün qalibiyyət çox yaxşı nəticə olardı. Amma heç-heçəni də yaxşı nəticə hesab etmək olar. Hətta az top fərqi ilə məğlubiyyətə də yaxşı demək mümkündür. Çünki cavab oyunu Belçikada gerçəkləşəcək. Lakin onu da deməliyəm ki, rəqib həm evdə, həm də səfərdə yaxşı oyun sərgiləyir.

“Qarabağ” klubuna “Qafqazın “Barselona”sı deyildiyini bilmirdim. Amma meydanda çox yaxşı oyun göstərirlər”, - deyə baş məşqçi əlavə edib.

Qeyd edək ki, fevralın 16-da Tofiq Bəhramov adına Respublika Stadionunda keçiriləcək qarşılaşma saat 21:45-də başlayacaq. Cavab görüşü fevralın 23-də Gentdə olacaq.

• “Rehabus” layihəsi üzrə əlilliyi olan 3 minədək uşağa xidmət göstərilib
• Azər Maqsudov amnistiyaya düşdü
• Bakcell ilə ingilis dilini “Singit” tətbiqində öyrən
• Mehriban Əliyeva Tiflisdə Gürcüstan Milli Muzeyində...
• ABB güzəştli kreditlər verəcək
• Övladının dəfnində canlı yayım açan şəxs nəzarətə götürüldü
• 8 noyabr prospektində yağışın fəsadları aradan qaldırılır
• ADSEA: Kollektorun üzərində tikilmiş ev söküldü - Video