Dövlət Şəhərsalma və Arxitektura Komitəsinin sədri Anar Quliyev Azərbaycan Prezidenti İlham Əliyevin Kəlbəcərə səfəri zamanı sentyabrın 2-də təməli qoyularaq tikintisinə başlanılmış İstisu qəsəbəsinin gələcək görüntülərini öz sosial şəbəkə hesablarında paylaşıb.
Komitədən BUTA.TV-a verilən məlumata görə, Kəlbəcər rayonunun qərb hissəsində yerləşən, ümumi sahəsi 63,1 hektar olan İstisu qəsəbəsinin layihələndirilmə işləri mərhələli şəkildə aparılacaq. Birinci mərhələdə salınacaq ərazinin sahəsi 39,2 hektar təşkil edir. Bu mərhələdə 159 fərdi evin inşası nəzərdə tutulur. Ümumilikdə layihəyə əsasən gələcəkdə burada “townhouse” tipli 71 ev (142 mənzil) və 180 mənzildən ibarət 10 bina da tikiləcək.
Həmçinin qəsəbədə bütün mühüm sosial obyektlər və lazımı infrastruktur imkanları yaradılacaq. Buraya 352 şagird yerlik məktəb, 100 yerlik uşaq bağçası, inzibati bina, idman-sağlamlıq və klub-icma mərkəzi, tibb məntəqəsi və idman meydançası daxildir.
İstisu qəsəbəsi müasir standartlara əsasında inkişaf edərək mühüm rayon mərkəzlərindən birinə çevriləcək.
- Kartdan pul oğurlayan "bank əməkdaşı" saxlanıldı
- 48 yaşlı kişi həyətində yıxılaraq öldü
- Temperatur 22 dərəcəyə yüksələcək
- Ağdam sakinləri mina təhlükəsi ilə bağlı maarifləndirildi
- DSMF-nin xərcləri 2 milyard 53 milyon manat təşkil edib
- Gədəbəydə körpə qızdırmadan öldü
- Motosikletçi ilə dalaşan Sultan Dadaşov öldü - Video
- İstehlak bazarında qiymət artımı var - Deputat