Ermənistanla Gürcüstan arasında dəmir yolu Rusiyanın yardımı ilə bərpa edilib.
BUTA.TV Report-a istinadən xəbər verir ki, bunu Rusiya Federasiyası Baş nazirinin müavini Aleksey Overçuk deyib.
“Bu çətin dövrdə Rusiya Ermənistan xalqının köməyinə gəlib və onun Gürcüstanla təbii fəlakət nəticəsində pozulmuş dəmir yolu əlaqəsini rekord müddətdə bərpa edib”, - o vurğulayıb.
A.Overçuk qeyd edib ki, Ermənistanı xarici dünya ilə birləşdirən yeganə dəmir yolu ölkəyə həyati əhəmiyyətli yüklərin çatdırılması üçün əsas kanaldır və onun uzun müddət ərzində bağlı olması əhalinin ərzaq və yanacaqla təmin olunması üçün ciddi mənfi nəticələrə səbəb ola bilər:
“Lakin bu, Rusiyanın Ermənistan xalqına yardım əlini uzatması səbəbindən baş verməyib. Fövqəladə bərpa işlərinin maliyyələşdirilməsi ölkə rəhbərliyinin qərarı ilə Rusiya tərəfindən həyata keçirilib”.
Onun sözlərinə görə, ilk sınaq qatarı iyunun 14-də bərpa edilmiş relsdə yola düşüb.
- TÜRKPA Türkiyə bayrağının yandırılmasını qınadı
- Ordumuzun ən yaxşı snayperləri müəyyənləşdi
- Rusiyada müəllimin azərbaycanlı haqda sözləri... - Qalmaqal
- Qobustanda ölən işçi ilə bağlı şok təfərrüat... - Video
- Xankəndidə avtobus marşrutları fəaliyyətə başlayır
- BTQ-dən dünyaya çağırış: Obyektiv qiymət verilsin!
- Bəzi marşrut avtobuslarının hərəkət istiqaməti dəyişdirilir
- Məşhur müğənni Ərdoğana görə istintaqa çağırıldı