Qarabağın erməni sakinlərinə reinteqrasiya üzrə planlar təqdim edilib.
BUTA.TV xəbər verir ki, bu barədə Azərbaycan Respublikası Prezidentinin Administrasiyasının açıqlamasında bildirilib.
Vurğulanıb ki, konstruktiv və müsbət mühitdə keçən görüşdə Azərbaycan Respublikasının Konstitusiyası və qanunları əsasında Qarabağın erməni əhalisinin reinteqrasiyası, infrastrukturunun bərpası və fəaliyyətinin təşkil olunması məsələləri üzrə müzakirələr aparılıb.
Qeyd edək ki, Azərbaycan Respublikası Prezidentinin Administrasiyasının dəvəti əsasında 2023-cü il sentyabrın 21-də Yevlax şəhərində Qarabağın erməni sakinləri ilə təmaslar üzrə müəyyən edilmiş məsul şəxs Ramin Məmmədov Qarabağın erməni sakinlərinin təmsilçiləri qismində Sergey Martirosyan və David Melkumyan ilə görüşüb.
Rusiya-Türkiyə Birgə Monitorinq Mərkəzinin Rusiya tərəfinin rəhbəri kontr-admiral Oleq Semyonov iştirakçı qismində görüşə qatılıb.
- Bu xəbərlərə də göz at
- Zaporojye AES-də təhlükəli vəziyyət: generatorlar işə salındı
- İsrail HƏMAS-ın batalyon komandirini məhv etdi
- Daha bir azyaşlı qızılcadan dünyasını dəyişdi
- BDU-nun professoru dünyasını dəyişdi
- ABŞ-ın yeni səfiri Azərbaycan dilində açıqlama verdi - Video
- HƏMAS bundan imtina etdi, fasiləni pozdu - Qallant