Ana səhifə   |    Haqqımızda   |    Reklam
+994702372227
USD: 1.7000
EUR: 1.8902
RUB: 0.0254
TRY: 0.3230

"Cəbhədəki məğlubiyyəti həzm edə bilməyən Ermənistan dinc sakinləri hədəf seçir"

Siyasət
"Cəbhədəki məğlubiyyəti həzm edə bilməyən Ermənistan dinc sakinləri hədəf seçir"

Ermənistan silahlı qüvvələrinin Gəncə şəhərinə növbəti dəfə raket zərbələri endirməsi bu ölkə ilə danışıqlar aparmağın mənasız olduğunu bir daha təsdiqləyir. Cəbhədəki məğlubiyyəti, uğursuzluğu həzm edə bilməyən Ermənistan hakimiyyəti dinc sakinləri hədəf seçməklə xalqımızı qorxutmağa çalışır. Lakin buna nail ola bilməyəcək.

 

Buta.ws bildirir ki, bunu Trend-ə Milli Məclisin deputatı Soltan Məmmədov deyib.

 

Deputat vurğulayıb ki, Ermənistan beynəlxalq konvensiyalara məhəl qoymadan öz çirkin məqsədinə çatmaq üçün ənənəvi metodlarından istifadə edir.

 

S.Məmmədovun sözlərinə görə, tarixi təcrübə göstərir ki, qarşı tərəfdən hər cür təxribat və terror gözləmək olar, çünki bu, artıq Ermənistanın dövlət siyasətinə çevrilib:

 

"Biz kiminlə qonşu olduğumuzun fərqindəyik. Ermənistanın dinc əhaliyə hücumları hər birimizi kədərləndirir, hiddətləndirir. Lakin heç kimi təəccübləndirmir. Bizi sadəcə daha çox təəccübləndirən beynəlxalq ictimaiyyətin Ermənistanın törətdiyi cinayətlərə susqunluğudur. Dünya birliyi, beynəlxalq təşkilatlar, insan hüquqlarının müdafiəsi ilə məşğul olan qurumlar, xarici kütləvi informasiya vasitələri baş verənlərə laqeyd qalmamalıdır. Çünki Ermənistanın həyata keçirdiyi təxribatlar insanlığa qarşı cinayətdir".

 

S.Məmmədov Ermənistanın bütün cəhdlərinə baxmayaraq, Azərbaycan Ordusunun zəfər yürüşünün davam edəcəyinə əmin olduğunu bildirib.

 

Deputat qeyd edib ki, bu gün bütün Azərbaycan xalqı Ali Baş Komandanın və ordunun ətrafında sıx birləşib. "Bizim qələbəmizi təmin edən məhz birliyimiz və haqlı olmağımızdır. Ermənistan heç bir göstəricisinə görə Azərbaycanla müqayisə oluna bilməz. Tarixi ədalət də, beynəlxalq hüquq da bizim mübarizəmizin haqlı olduğuu təsdiqləyir. Ermənistanın hərbi-siyasi rəhbərliyi bunu nə qədər tez dərk etsə, onlar üçün daha yaxşı olar".

 

Milli Məclisin deputatı Ermənistan ordusunun mövqe, texnika və canlı qüvvə baxımından böyük itkilərə məruz qaldığını, ölkənin iqtisadi və səfərbərlik resurslarının faktiki olaraq tükəndiyini xatırladıb. Qeyd edib ki, Ermənistanda siyasi hakimiyyət proseslərə nəzarət imkanını itirib, eyni zamanda ordunun və əhalinin psixoloji durumu da kifayət qədər sarsılıb.

 

Soltan Məmmədov Ermənistanın işğal olunmuş əraziləri tərk etməyəcəyi təqdirdə daha böyük itkilərə məruz qalacağını vurğulayıb.

Loading...
Paylaş

Sizin reklam yeriniz     Ölçü: 600x100

+994702372227

Siyasət bölməsinə aid digər xəbərlər
İndi oxunanlar

Brendinizi tanıtmaq üçün ölkənin ən reytinqli media resuslarından olan BUTA.WS saytında reklam bannerlərinin və tanıtım məqalərinin yayınlanması təklif edirik.

Siz həm brendinizin tanınmasının əhəmiyyətli dərəcədə artmasına, həm də məhsullarınız barədə məlumatın geniş yayılmasına nail olacaq, və həmçinin şirkətlərinizin internet saytlarının ziyarət edilməsinin sadə üsülla çoxalması imkanını əldə edəcəksiniz.

Daha ətraflı məlumat üçün: +99470 2372227

Bağla

Facebook səhifəmizi bəyənin

“BUTA.WS” xəbər portalı 2019-ci il aprel ayının 25-dən fəaliyyətə başlayıb. Saytın yaradılmasında məqsəd oxucularına Azərbaycanda, eləcədə regionda və dünyada baş verən hadisələrin operativ və obyektiv təhlilini təqdim etmək, ölkəmiz üçün əhəmiyyətli olan hadisələrin şərhini verməkdir.

“BUTA.WS” internet portalı tam müstəqil informasiya siyasəti həyata keçirən media qurumudur. Bunu rəhbər tutaraq Azərbaycanda fəaliyyət göstərən bütün dövlət qurumlarını, siyasi partiyaları, yazılı və elektron mətbuatı, media təşkilatlarını, QHT-ləri, hüquq-mühafizə orqanlarını və vətəndaşları aktiv əməkdaşlığa dəvət edirik.

“BUTA.WS” xəbər saytının rəhbəri Xəyal Abdullayevdir.

Əlaqə: Telefon / Whatsapp: +994 70 2372227

E-mail: [email protected]

Bağla