Daxili İşlər Nazirliyinin (DİN) bu gün yaydığı məlumata görə, Göygöl rayonunun Çaylı kəndi ilə Goranboy rayonunun Yolqulular kəndini birləşdirən metal konstruksiyalı körpü oğurlanıb. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Şəmkir rayon sakinləri İlkin Kamalzadə, Xəyal Əliyev, Elgün Məmmədov və Goranboy rayon sakini Şükür Babayev saxlanılıb.

İlkin dindirilmə zamanı saxlanılan şəxlər dəmir körpünü satmaq məqsədi ilə söküb oğurladıqlarını etiraf ediblər. Şübhəli şəxslər maddi sübutlarla birlikdə saxlanılaraq istintaqa təhvil verilib, faktla bağlı Göygöl Rayon Polis Şöbəsində araşdırmalar davam etdirilir.

İki rayonu birləşdirən körpünün oğurlanması sosial şəbəkələrdə geniş müzakirələrə yol açıb.

BUTA.TV xəbər verir ki, Göygöl Rayon İcra Hakimiyyətindən Modern.az-a bildirilib ki, ğurlanan körpü sosial şəbəkələrdə deyildiyi kimi, elə də böyük olmayıb.

İcra Hakimimiyyətindən bildirilib ki, oğurlanan körpü köhnə dəmir relslərindən hazırlanıb və iki metr uzunluğunda olub. Məlumata görə, körpü kiçik olsa da, kənd sakinləri oradan istifadə edərək, mal-qaraları otlaq sahəyə aparırmışlar.

Qeyd olunub ki, sözügedən körpü rayonlar arasında olan gediş-gəliş üçün nəzərdə tutulmayıb.

• ABŞ-yə köçən teleaparıcı barədə şok məlumatlar - Görün atalığı nə edib?
• Bakıda may ayında bu qədər yağış görməmişəm
• Vilyam Hacıyevin ailəsinin sürdüyü maşınlar - “Su qiymətinə”
• Azərbaycanda maşınların təkrar ixracı niyə aktual deyil? - Video
• “Gənclik”də tuneldəki qəza: səbəb vaxtsız yol təmiridir?
• Vüqar Qurbanova ağır itki - Foto
• Saatlıq maaş sistemi işçilərə nə qazandıracaq?
• 14 əməliyyata rəğmən, yüksək bal topladı – Video