Ötən gün Bakının Nərimanov rayonunda meyiti tapılan 4 nəfərdən 3-nün şəxsiyyəti məlum olub.
BUTA.TV Trend-ə istinadən xəbər verir ki, evdə meyiti tapılan şəxslərdən biri 2004-cü il təvəllüdlü Kamran Xaliq oğlu Allahverdiyevdir. Məlumata görə, adıçəkilən gənc bir həftə əvvəl yaşadığı evdən çıxıb və geri qayıtmayıb.
Onunla birlikdə meyiti tapılan daha iki nəfərin də şəxsiyyəti məlum olub. Həmin şəxslər 1990-cı il təvəllüdlü Kənan Qurban oğlu Nəzərov və 1991-ci il təvəllüdlü Pərviz Adıgözəl oğlu Səfərlidir.
Hadisə yerində meyiti aşkarlanan 4-cü şəxsin isə sifəti tanınmaz olduğundan şəxsiyyətini müəyyənləşdirmək mümkün olmayıb.
Məlumata görə, həmin şəxslərin bir həftə əvvəl öldüyü məlum olub. Meyitlərdə zorakılıq və xəsarət izləri aşkarlanmasa da, cürüməyə məruz qalıb.
İlkin ehtimal kimi həmin şəxslərin dəm qazından boğulması ehtimal edilsə də, ölümün səbəblərinin müəyyən edilməsi ilə bağlı araşdırmalar davam etdirilir.
Xatırladaq ki, hadisə yanvarın 5-də paytaxtın Nərimanov rayonu, Ağaoğlu küçəsi 7 ünvanında baş verib. Həmin ünvandakı mənzillərdən birinin sahibi evini 3 nəfərə kirayə verib. Yanvarın 1-dən 5-nə qədər kirayəşinlərə zəng vuran ev sahibi qarşı tərəfdən cavab ala bilmədiyi üçün yanvarın 5-də səhər saatlarında evə gəlib. Lakin evin qapısını bağlı görən mənzil sahibi məsələ ilə bağlı hüquq-mühafizə orqanlarına məlumat verib. Hüquq mühafizə orqanları əməkdaşlarının müdaxiləsindən sonra mənzilin qapısı açılıb. Mənzilə baxış keçirilərkən oradan 4 nəfərin meyiti aşkarlanıb.
- Rusiyadan qaz idxal etməmişik. Nöqtə! - Hacıyev
- Fransadan Netanyahunun həbs qərarına – Şok cavab
- Ukrayna zərbələr endirir: Putin nüvəyə əl atmasa…
- Valentina Matviyenko Azərbaycana gələcək
- Berbok Bakıda: Təfərrüatı barədə heç nə deyə bilməyəcəm!
- Azərbaycan XİN Pakistana başsağlığı verdi
- Fidandan Qafqaz açıqlaması: Sülh yaxındır!
- Boşananlara bəd xəbər: aliment artırılır