Tarixi qalanın bir hissəsi dayanacağa çevrildi
Təbrizin mərkəzində yerləşən tarixi Ərk qalasına yerli əhali və turistlərin girişi qadağan edilib.
BUTA.TV xəbər verir ki, bu barədə güneyli rejissor Məhəmməd Əlimuradi məlumat yayıb.
Məlumata görə, tarixi abidənin yerləşdiyi ərazinin bir hissəsi avtomobil parkına çevrilib.
Əlimuradinin yazdığına görə, rəsmi qurumlar bununla bağlı hər hansı açıqlama verməyib.
Qeyd edək ki, Ərk qalası Elxanilər hakimiyyəti dövründə, 1316–1339 illərdə inşa edilib. Tarixi abidənin əsas hissəsi 1979-cu il inqilabından sonra dağıdılıb.
