İstanbul hadisələri ilə Suriyadakı son baş verənlər bir-birinə bağlıdır.

BUTA.TV Globalinfo.az-a istinadən xəbər verir ki, bunu sabiq xarici işlər naziri Tofiq Zülfüqarov deyib.

Onun sözlərinə görə, Latakiyadakı üsyana birbaşa Rusiya hərbi bazalarının ərazisindən nəzarət edildiyi məlum olub:

“Operativ idarəetmə, təbliğat dəstəyi, o cümlədən səhnələşdirilmiş videoçarxların hazırlanması, atıcı silahların paylanması və sair. Bəlli olur ki, Rusiya nəzarətində olan iranyönlü proksi qüvvələr Suriyanın Aralıq dənizi sahilini nəzarətə götürmək niyyətində olublar. Cənubda onlarla eyni vaxtda vətəndaş müharibəsi başlayandan İsraillə əməkdaşlıqda ittiham olunan ifrat sağçı radikallar fəallaşıb. Ən əsası isə şimal-şərqdəki ərazilərdən paytaxt istiqamətində PKK-nın nəzarətində olan qüvvələrin hücumu başlayıb. Beləliklə, “qərbli” oyunçular İran-Rusiya qüvvələri ilə koordinasiyada türkyönümlü Əhməd əş-Şara müvəqqəti hökumətini devirmək cəhdini həyata keçirdilər”.

T.Zülfüqarov bildirib ki, İstanbulda baş verənlər Ərdoğana təzyiqləri davam etdirmək cəhdidir:

“Hesab edirəm ki, bu hadisələri 3 ildən sonra keçirilməsi planlaşdırılan və Ərdoğanın iştirak etməyəcəyi seçkilərlə əlaqələndirmək ictimaiyyəti çaşdırmaq məqsədi daşıyır”.

Qeyd edək ki, İstanbul Böyükşəhər Bələdiyyə sədri də daxil olmaqla 100 şübhəli haqqında həbs qərarı çıxarılıb. Şübhəlilərin rüşvətxorluq, tenderlərin saxtalaşdırılması, dələduzluq və şəxsi məlumatların əldə edilməsi cinayətlərini törətdikləri iddia edillir.

• Bakıda yoxa çıxan 3 rəfiqədən gələn müəmmalı MESAJLAR VƏ ŞƏKİLLƏR - VİDEO
• İmamoğlunun həbsinə ABŞ və AB-nin fərqli reaksiyasının sirri
• Elvin Cəfərquliyev milli komandamızdan kənarlaşdırıldı - SƏBƏB
• Mask Baydenin hiyləgər planını açıqladı
• Gecə saatlarında BIÇAQLANMA: Yaşayış massivi ərazisində tanışının qanını tökdü
• Elektron siqaretin insan sağlamlığına zərərləri açıqlanıb
• Aktrisa Xuraman Əlizadə həyat yoldaşından ayrılmasından danışdı: "Çox xoşbəxtəm"
• Çin istehsalı olan avtomobilləri almaq istəyənlərin nəzərinə