Moldovanın Kişinyov şəhərində təşkil edilən “Gələcək üçün sinerjilərin təminatı” elmi-praktiki konfransının ilk günündə təşkil edilən 5-ci paneldə özünü qondorma “Dağlıq Qarabağ”ın sakini kimi təqdim edən erməni qızın çıxışı zamanı Azərbaycanla bağlı təhrif olunmuş və qərəzli fikirlər səsləndirildi. Təəssüf ki, təşkilatçılar tədbirin məqsədlərinə tam zidd olan belə çıxışa imkan yaratdılar. Mən çıxışa etiraz edərək erməni təmsilçisinin çıxışının dərhal dayandırılmasını tələb etdim.
BUTA.TV xəbər verir ki, bu barədə millət vəkili Vüqar Bayramov deyib.
Onun sözlərinə görə, erməni qızın qərəzli çıxışı Azərbaycan nümayəndə heyətinin digər üvlərinin də narazılığı ilə qarşılanıb:
“Çıxışıma imkan yaradılmadığı üçün ayağa qalxaraq fikirlərimi bildirmək məcburiyyətində qaldım. Bildirdim ki, “Dağlıq Qarabağ” adlı yer yoxdur, Azərbaycanın Qarabağ iqtisadi rayonu var: “Şüarı dialoq olan beynəlxalq tədbirdə separatizm meyilləri təqdim oluna bilməz. Tədbirdə qərəzli siyasi bəyanat səsləndirməkdənsə, Qərbi Azərbaycanı zorla tərk etmiş 300 min azərbaycanlının hüquqlarıdan danışmaq və regionda sülhü dəstəkləmək lazımdır. Qərəzli yanaşmalarla Qafqazda sülhə nail olmaq olmaz”.
Prezident yanında Beynəlxalq Münasibətlər Mərkəzinin əməkdaşı Şahmar Hacıyev, Dövlət Su Ehtiyatları Agentliyini şöbə müdiri Rafiq Verdiyev, İslahatçı Qadınlar və İnnovasiyalar İctimai Birliyinin sədri Vüsalə Hüseynli və Gəncə Regional Qadın Mərkəzinin sədri Məleykə Əlizadə də qərəzli çıxışa etirazlarını bildirdilər.
İsrarlı təkiddən sonra erməni nümayəndənin çıxışı dayandırıldı və ona çıxışını davam etdirməyə imkan verilmədi. Təşkilatçıların nümayəndəsi baş verənlərə görə Azərbaycan nümayəndə heyətindən üzr istədi.
Qeyd edək ki, “Gələcək üçün sinerjilərin təminatı” elmi-praktiki konfransında Azərbaycan, Ermənistan, Moldova, Ukrayna və Avropa Birliyinin nümayəndələri iştirak edirlər”.
- Elman Paşayev məhkəmədə polislə dalaşdı, həbsi uzadıldı
- Bakıdan Pakistanda qatardakı terror aktı ilə bağlı bəyanat
- ÜST rəhbəri də Bakıya gəlir
- Zakir Həsənov mayora yeni vəzifə verdi
- Bosniya lideri də Azərbaycana səfər etdi
- İlham Əliyev onu yeni müavin təyin etdi
- MN-dəki 2 milyonluq iş: vəzifəli şəxsə hökm oxundu
- Mirzoyan işarə etdi: Azərbaycanla görüş...