Bakı-Quba yolunda “Rənc Rover” markalı avtomobil yanıb.

BUTA.TV xəbər verir ki, bununla bağlı videogörüntü sosial şəbəkədə yayımlanıb. İdarənin Hərəkətin Təhlükəsizliyinin Təbliği və İctimai Qurumlarla Əlaqə Şöbəsinin rəisi Rövşən Tağıyev Oxu.Az-a cavab olaraq faktı təsdiqləyib.

O qeyd edib ki, hadisə may ayının 2-də Bakı-Quba yolunun 98-ci kilometrliyində qeydə alınıb.

Belə ki, Orxan Zaur oğlu Göyçayevin idarə etdiyi “Rənc Rover Velar” markalı 10-JR-059 dövlət nömrə nişanlı avtomobil hərəkətdə olarkən alışıb.

İlkin ehtimala görə, hadisə qısaqapanma səbəbindən baş verib. Hadisə nəticəsində avtomobil tamamilə yararsız hala düşüb.

Xəsarət alan və ya ölən olmayıb.

“Sürücülərdən bir daha xahiş edirik ki, avtomobillərinin sazlığına diqqət etsinlər və avtomobilin elektrik sistemində hər hansı müdaxilələrə yol verməsinlər”, - deyə R.Tağıyev vurğulayıb.

Videonu təqdim edirik:

• Tehran Bakı ilə razılaşıb, İrəvanı satacaq? - Manqasaryan
• Vahid Ələkbərovun oğlu da ABŞ-ın qara siyahısında
• Məşhur polkovnikə yüksək vəzifə verildi
• Məcid Xandan Əliyevə: Bu, bizi olduqca kədərləndirdi
• Təyyarə qəzasında yaralanan daha bir nəfərdən xəbər var
• Əsgərlərimizi Qərbi Azərbaycanda qırğına verdiniz - Babacanyan
• İran Azərbaycana qarşı niyə aqressivləşib? - Video
• Əsir düşən azərbaycanlı ilə bağlı XİN-dən açıqlama